“ ပွဲခင်းတစ်ခုလုံးက Alpha တွေကို ကစားရတာတင်
မကျေနပ်သေးဘူးလား ရှင်းမ်ချောင်းရယ် ”
သူ့အနမ်းကို ဖြည်းဖြည်းချင်းတွန်းဖယ်ပြီး
တုန့်ပြန်လာသည့် ဒီစကား ။
“ ကိုကိုက အစကတည်းက ရှင်းမ်ချောင်းကို
ဒူးထောက်ပြီးသားလူပါ ”
“ မဟုတ်ဖူးကိုကို ၊ ကျွန်တော်ဘယ်သူ့ကိုမှ သဘောတွေ့ လွန်းလို့ ဖော်ရွေပြနေတာမဟုတ်ဖူး၊ ကိုကို အာရုံစိုက်တာ လိုချင်ခဲ့ရုံပဲ ”
ကိုကိုက သူ့ကိုအခုထိ ကြည့်မလာ ၊ အကြည့်တွေက
အခန်းမျက်နှာကျက်အနှံ့မှာ ၊ ကြမ်းပြင်ပေါ်မှာ ပျံ့ကြဲလျက် ။
“ တကယ်တမ်း ကျွန်တော် ဒီနေ့ ဒီကိုလာရတဲ့
အကြောင်းအရင်းက တစ်ခုထဲပဲ ကိုကို ၊
ကျွန်တော် ကိုကို့ ကို ချစ်တယ် ။ ”
“ ဒါကို သိစေချင်ရုံသပ်သပ်ပါပဲ ”
ချွမ်ရွေ့ ကိုကို့မျက်နှာပေါ်က စကားဝှက်တွေကို
အဖြေရှာဖို့ကြိုးစားကြည့်တော့ ခံစားချက်တစ်စွန်းတစ်လေမျှ ရှိမနေ ။
မယုံကြည်နိုင်စရာ …
“ ဆိုတော့ ရပြီလား ၊ ကိုကို့ကို ဧည့်သည်တွေ စောင့်နေကြမှာ ။ ပြောစရာမကျန်တော့ရင် ကိုကိုသွားတော့ — ”
“ ခနလေး ကိုကို ၊ ခနလေးနေပေးပါဦး ”
အခန်းထောင့်ကနေ ချွမ်ရွေ့ကို ဖယ်ပြီး ထွက်သွားတော့မည့် သူ့ရင်ဘက်စကို ဆွဲထားမိသည် ။
“ ကျွန်တော့်ကို ... ကျွန်တော့်ကိုရော မချစ်ဖူးလား ဟင် ”
ဘဝတစ်လျှောက်လုံး မကြုံဖူးခဲ့သော
အသနားခံသည့် မေးခွန်းမျိုး ချွမ်ရွေ့မေးလိုက်သည်
နောင်တ ကင်းမဲ့စွာ …
ပါးပြင်ပေါ်က အစအနတွေ မခြောက်ခင်မှာပဲ ထပ်ပြီး စီးကျလာပြန်သည့် မျက်ရည်တွေက စိတ်ပျက်စရာ
“ ရှင်းမ်ချောင်း ကိုကိုပြောတာကို နားထောင်မနေဘူးပဲ ”
လှည့်ကြည့်ရင်း ပြန်ဖြေလာသည့် ကိုကို့မျက်ထောင့်တွေက နီရဲနေသည် ။
أنت تقرأ
Blazing Bride
أدب الهواةA veil of secrets. A body built to burn. They called him a bride. He came dressed in fire. - written in Burmese - Ricky x ?
