Ang Mga Sulat ng Dalawang Manunulat

09

Brix Lucero
Scratch Notebook

Walang bella ngayon. Dismiss na. Nag overtime pa si Sir pero walang Bella na nakatambay sa baba.

_

Oras ngayon? 9pm. Naka-uwi na ako. Malamang diba.

Dapat locked in ako sa layout na gusto ni Sir magawa namin hanggang bukas ng umaga pero kasi... nakita ko si Bella kanina bago umuwi. Wala siya sa labas kasi nasa loob siya ng building namin. Hindi ko alam kung bakit siya napadpad o baka same block kami tapos hindi ko lang napapansin.

_

Sinubukan kong silipin ang pangalan mo sa ID mo nang lumampas ka sakin

Sa isip ko, hindi ko man makuha number mo kahit pangalan mo manlang sana mapasakin

Ang hirap gawan ng tugma kung paano ka nagmura kanina

"Gago ang bango" lang narinig ko, nahiya na ako lumapit pa kasi

Hindi naman siguro ako ang tinutukoy mo

Pagkatapos ko makipagsiksikan sa byahe at ibuhos ang oras kakasulat ng balitang hindi ko na masikmura, duda akong mabango pa ang dating ko

Kung may dapat magmura, ako yon

Hindi ko akalain na (na ano???)

*** Ayoko na wala na akong oras sa layout basta maganda ka pa kay bella padilla!