My Husband is bad boy

Part{16}Uni/Zawgyi

Uni

ဒေါ်ပန်းကဗျာခြယ်တစ်ယောက် နွားနို့ခွက်လေးကိုင်လို့ သမီးဖြစ်သူ့အခန်းရှေ့ရောက်လာခဲ့သည်။

ဒေါက် ဒေါက်*

"ဝင်ခဲ့"

တံခါးခေါက်သံနှစ်ချက်မြောက်မှာ သမီးလးရဲ့အသံကထွက်ပေါ်လာတာကြောင့် သူမအခန်းထဲဝင်သွားမိတော့ ကုတင်ပေါ်မှာ ဖုန်းသုံးနေတဲ့သမီးဖြစ်သူကိုတွေ့လိုက်ရသည်။

"မေမေ"

သမီးကလည်းသူမကိုမြင်တော့ အံ့သြသွားဟန်တူသည်။ခါတိုင်းဆို နွားနို့ကို အစေခံတွေကသာ ပို့ပေးတတ်​ကြတာကြောင့်မို့။အခုတော့ သူမသမီးကိုဂရုစိုက်ပေးချင်တာကြောင့် သူမကိုယ်တိုင်ရောက်လာခြင်းသာ။

သူမ သမီးလေးကိုပြုံးပြလိုက်မိသည်။ သမီးအနားသို့လျှောက်သွားလိုက်ပြီး ကုတင်ပေါ်တင်လွှဲထိုင်လိုက်ကာ နွားနို့ခွက်လေးကိုတော့ လက်လှမ်းမှီရာစားပွဲပေါ်တင်ထားလိုက်တော့သည်။

"မေ့သမီးလေး ဘာတွေစိတ်ညစ်နေလဲ။မေမေ့ကိုပြောပါအုန်း"

သမီးရဲ့ဆံပင်အခွေလေးတွေကို ပွတ်သပ်ကာ အညှင်သာဆုံးလေသံနဲ့မေးမိတော့ နဂိုတည်းက စိတ်မကြည်တဲ့သမီးဟာ မျက်ခုံးတွေကိုတွန့်ချိုးထားလေသည်။

"သမီးအခုပြောပြရင် ဘာဖြစ်သွားနိုင်လဲမေမေ"

"ဟောကွယ်။သမီးပြောပြမှ မေမေကဘာဖြစ်မလဲဆိုတာ​သိမှာပေါ့"

သက်ကဗျာသူမရှေ့က သူမ ကိုဂရုတစိုက်မေးနေတဲ့မေမေ့ကို ဘယ်လိုအဖြေပေးရမလဲစဉ်းစားနေမိသည်။သူမ အခုပြောပြလိုက်ရင် မေမေက မှိုင်းညို့စိုင်းကို ဘယ်လိုတုံ့ပြန်မလဲ။သေချာပေါက်ပြဿနာ အကြီးကြီးတက်သွားမှာမဟုတ်လား။ဒါပေမဲ့ သူမ အခုမပြောပြချင်သေး။ပျော်စရာကောင်းတဲ့အရာတွေအတွက် အထိရောက်ဆုံးအချိန်ကိုစောင့်ပြီး အသုံးချရမယ်မဟုတ်လား။အကောင်းဆုံးလက်နက်ကို အဆုံးသတ်ကျမှထုတ်သုံးရမယ်မလား။ဘယ်လိုပဲဖြစ်ဖြစ် မှိုင်းညို့စိုင်းရဲ့ အားနည်းချက်ဖြစ်တဲ့ ဒီလက်နက်ကိုဆုပ်ကိုင်ပြီး မှိုင်းညို့စိုင်းကို အကြောက်တရားတွေနဲ့ရှင်သန်စေချင်တာ။မေမေတို့ကို သူကရွံစရာကောင်းတဲ့အခြောက်ဆိုတာ မေမေတို့ဘယ်အချိန်သိသွားမလဲဆိုတဲ့ ကြောက်စိတ်နဲ့ရှင်သန်စေချင်တာ။