My Husband is bad boy

part {6}Uni/Zawgyi

Uni

breakfastစားခြင်းကိုလက်စသတ်ပြီး အစ်ကိုမင်းအံ့နဲ့အဖော်လိုက်ပေးဖို့ပြင်ဆင်ရန်အတွက် မှိုင်းအပေါ်ထပ်ကအခန်းဆီသို့ လှေကားအတိုင်းတက်လာခဲ့သည်။

အစ်ကိုမင်းအံ့ကတော့ တီလေးတို့နဲ့breakfastစားရင်းအောက်ထပ်မှာကျန်ခဲ့သည်။

လှေကားအတိုင်းတက်လာရင်း မှိုင်းကိုယ့်အခန်းထဲဝင်ဖို့ အခန်းတံခါးလက်ကိုင်ကိုဆွဲအဖွင့်..

"ညို့ငယ်.."

အခေါ်အဝေါ်နဲ့အသံကြောင့် အစ်ကိုမင်းအံ့မှန်းတန်းသိကာ မှိုင်းလှည့်ကြည့်ရင်း အ​ဖြေပြန်ပေးမိသည်။

"ဟုတ် အစ်ကိုမင်းအံ့..။ breakfastစားလို့မပြီးသေးဘူးမလား..ဘယ်လိုလုပ်ပြီး.."

အစ်ကိုမင်းအံ့က သူ့ရဲ့မူပိုင်အပြုံးဖွဖွလေးကိုချိတ်ဆွဲကာ..

"စားလို့ကပြီးပြီ..။ကိုကို မင်းကို​မေးစရာရှိလို့.."

"ဟုတ်​မေးပါ.."

"ညို့ငယ်အထင် လိုအပ်တာတွေဝယ်ဖို့ ဘယ်mallက အကောင်းဆုံးဖြစ်မယ်ထင်လဲ.."

အစ်ကိုမင်းအံ့မေးပုံအရ ကြည့်ရတာ အခုမြှမန်မာနိုင်ငံကိုပြန်ရောက်တာကြောင့် ပစ္စည်းတွေဝယ်ဖို့ ဘယ်mallကိုရွေးလို့ ရွေးရမှန်းမသိဖြစ်နေပုံပေါ်သည်။မှိုင်းပြုံးလိုက်မိကာ..။

"ကျွန်တော်ကတော့ Junction ကိုပဲသွားဖြစ်တာများတယ်ဗျ.."

အစ်ကိုမင်းအံ့က တွေးဆဆနဲ့ခေါင်းညိတ်ရင်း..

"အင်း ဒါဆိုလဲအဲ့ကိုပဲ သွားကြတာပေါ့.."

"ဟုတ်.."

မှိုင်းခေါင်းညိတ်အတည်ပြုပြီး အခန်းထဲဝင်ဖို့အလှည့် တစ်ခုခုကိုသတိရမိသွားတာကြောင့် အစ်ကိုမင်းအံ့ဘက်ကို ပြန်လှည့်လိုက်ကာ မေးမိပြန်သည်။

"အစ်ကိုမင်းအံ့က သွားရောသွားတတ်ရဲ့လားဟင်.."

ကိုယ့်ကိုမယုံသင်္ကာအကြည့်နဲ့ကြည့်ရင်းမေးလာတဲ့ကောင်လေးကြောင့် မင်းအံ့တစ်ချက်ကြောင်သွားရကာ မျက်လုံးကိုဟိုဟိုဒီဒီကစားမိရင်း အရှက်ပြေ တစ်ချက်ရယ်လိုက်ကာ..