طعنه في خاصرة النسيان

الحلقه ٤٢

#طعنه فـي خاصره النسيان

دلهم ـ راح الغرفه واني عيني على الطفل لو ميت يمه جان وكف گلبي اجتي جمانه هاي هم طايح حظها اوووف

جمانه ـ كومي بدلي تروحين وياه منو يروح وياه وشلون يسوق اني ما بيه باقيه يمهم كومي بسرعه

دلهم ـ ما بيه تعبت والله تعبت ڪافي عليه هبطات اطفالي هاج خلي يمج عالسريع بدلت دخل بوس يسار وأخذته منها بحضني بقوه خفت نفقده ما مصدكه عايش فدوه اروحلك

وصلنا المستشفى اخذوه من عدنا بقيت كاعده انتظر وهو يفتر دايخ ومهموم.. مر وقت واني تعبت وبالي يمهم يسار جمانه تكدر تغيرله وهو يستحي مو ڪل أحد يتقبل بس اني وابوه سوده عليه يمه ولمار اخذت علاجاتها الأفكار اكلت راسي َاحنه ننتظر الدكتور اشويه واجه

الدكتور ـ ابنك عنده ربو وحاله اختناق وضيق باالتنفس بجهاز التنفسي حاليا مخلينه عـلـىٰ اوكسجين لما يتحسن وتستقر حالته نسجله خروج..

دلهم ـ ربو بهيج عمر معقوله هذا الدكتور بي شي ضيق تنفس ايي بس مو ربو اويلي شنو ذنبه هم يبقى معلول مثل اخوه..
بقينا وهو جاب لفه وعصير خلاهن يمي َراح على ابنه اكلت اشويه نفسي ما تريد بقيت وياه لثاني يوم بس گلبي مثل النار
للصبح هو راح للبيت يتطمن عليهم اني حتى تلفوني نسيته بالبيت َجمانه مريضه شلون كدرت الهم
متت نعس عاد هو اجه راح على الدكتور يكول حالته احسن طلعونا للبيت بحضني صاعده وره وهو يسوق حاولت ما انام بس تعبانه
حسيت بي يسحبه من ايدي بهدوء فتحت نص عين لكيته بوجهي ڪمزت َهَو شاله مشه كدامي البنات ركضن عليه

كلهن (لمار ـ لارا ـ نور) بابا بابااا
(لخاطر هــاي الكلمه لاتدعون عليه )

غياث ـ روح ابوهـن شلونهن بنياتـي خوما سويتن وكاحه

لمار ـ لا بابا عقال

دلهم ـ ولج حقيره تعاي عليه ڪولي امي غابت عنـي يوم شنو ما تحبينـي ركضن اخذتهن بحضني فدوه للبنات هو دخل الغرفه خلاه عالسرير نايم دخلت اني فرشتله جوا خاف يوكع باوعت من الشباك يسار بالشمس شافني ضحك خليت طلعت عليه اخذته يروح امك حيل اشتاقيت الك

يسار ـ اشتاقيت لريحتج البارحه ما نمت ردتج يمي بس ماما جمانه نامت يمنا

دلهم ـ فدوه للحنين تعال يمه دخلته البيت استلمه ابوه روحه من الدنيا يسار لاحظت جمانه ماكو وينها ليكـون بعدها مريضه رحتلها نايمه تلمست كصتها نار جمان عيوني انتي بيج شي يمعوده

جمانه ـ تعبانه دلهم حيل تعبانه اسفه البنات عفتهن عليج وانتـي رجعتي تعبانه بس مو بيدي النحول هلكنـي وما خله طاقه امشي منا لهنا

دلهم ـ جمان من دونج اضيع انتي خيتي مو ضرتي لخاطري ڪوني قويه خوما تمرضتي مره ثانيه ما صدكت صرتي زينه ورجعتي النـا بخير انوب ترجعين تمرضـين