نـــهـج ابنة [ الـسـيد ]

البارت الواحد والثلاثون •

بقلمي :وردهَ الـ محمد

تصويت لقصه عنوناتي 🤍

علقو بين الفقرات لطفاً 🤎

الانستا " rose_almuhammad

بسم الله الرحمن الرحيم 🕊️ ✨

________________________
لُجين

لانت ملامحه ابـ صدمه يباوعلي ما متوقع هل كلمه الي مثل السهم ع كلبه مني .

عثمان - شحجي احس كل الكلمات تعجز عن وصف الي بداخلي لُجين !!!

بلعت ريكي اداري دموعي لا تنزل ويروح كل تعبي ع الفاضي .

لُجين - مشكلتك .

عثمان - زين بس لحضه ما جذبه بينا خليه بعيونج بس لحضه بس لحضه !!

لُجين - كلها جذب عثمان اعترف أنا جذابه وجنت استغل طيبة قلبك واهتمامك لين ما شايفه بحياتي .

عثمان - لا تكولينه لُجين لا تكسريني أكثر من هيجي .

درت وجهي عنه ونزلت دموعي ما تحملت اخفيه أكثر ومو من أحد من عثمان الي يعرفني !!! كعد يمي ولزم وجهي بين ايديه يديره عليه يباوعلي بترجي .

عثمان - شوفي لُجين احجي إذا بيج شي لو صاير وياج شي والله والي اسمه الله راح اساعدج واصير وياج واضل وياج بس احجيلي شبيج مجاي اصدك حجيج ابد ابد !! .

شهكت وجذبت جذبه اكبر منها أريده يبتعد مني وما يرجع كلبه يشفى مني ويعوفني .

لُجين - اريد علي أحبه رجعلي يا .

لزم ايدي بأسه ميل رأسه يباوع لعيوني أردف بغصه .

عثمان - بس اني احبج لُجين ؟

لُجين - واني ما احبك .

عثمان - ميخالف تحبيني ويا الايام وتنسيه .

لُجين - مستحيل عثمان لا انساه ولا راح احبك .

عثمان - زين ليش تبجين ؟ لا تبجين تريدن هسه اخليه يعوف ريناد وياخدج بس لا تبجين توجعين كلبي بدموعج ها كولي اجيبه الج لا تبجين خوش اجيبه؟ .

يا الله راح اموت منه بعده يهتم بيا بعده يهتم ويهتم ومايمل من الاهتمام اخخخ وانا خسرته ، عضيت شفتي الي رجفت اخدت نفس وكلت كلام مستحيل اسامح روحي عليها بيوم من الايام .

لُجين - اطلع برا عثمان لعبت نفسي منك شكد تلح وتلزك !!

فز والله فز ورعشت جسمه يباوعلي بصدمه من كلامي رجعت صرخت بوجهه