نـــهـج ابنة [ الـسـيد ]

البارت التاسع عشر •

بقلمي :وردهَ الـ محمد

تصويت لقصه عنوناتي 🤍

علقو بين الفقرات لطفاً 🤎

الانستا " rose_almuhammad

بسم الله الرحمن الرحيم 🕊️ ✨

________________________
زهراء ....

واكفه متوتره وارجف رجف ريناد ودلال وحتى لُجين يمي هذول صرت احسهم أخواتي بكل ضروفي الصعبه لحد اليوم هما معاي كثير احبهم واعزهم صرت غمضت بقوه من سمعت صوت راجدي قوي الي سكت الكل وضج المضيف بصوت الراجدي وحده لزمت كلبي بخوف خاف واحد من اخواني مد أيده ع خليل ....

اسمع ابوي يصرخ

حسن :: مستحيل نجوم السما اقربلك بنتي ما انطيها الك لو تبوس رجلي مو بس ايدي .

::الي سويته اب بنتي مو قليل وهين .

عثمان::عمي بس اسمعني خل...

نتر بيه ابوي .

::اسكت انت اخر واحد تحجي غدار وجايبه يخطب بنتي وفرحان بيه!!!!

::ياخليل اطلع بدون مطرود وتقليل ادب انسان مثلك مستحيل انطيها بنتي .

اسمع صوته وهو يكول بصوت خافت مبين الرجفه بيه متت قهر عليه .

::بس سيد ليش شبيا اني؟

صرخ بيه فز كلبي بوجع من كله .

::ابن حرام , زاني ،شارب عرك ،وابو الملاهي . تصلي ؟

همس بكسره وخجل .

::لا

::تصوم وتعبد الله !!!!

::لا

::تخاف الله بعباده ولو مبينه من عملتك بزهراء .

::لا ما اخاف .

::عندك أهل ونسب وشرف !!!

هنا عثمان ما تحمل وصرخ بيه .

عثمان ::حدك لهنا عمييي !!

قاطعه خليل وهو يكول بصوت يرجف وبيه غصه خله دلال ولُجين يبجون عليه .