نـــهـج ابنة [ الـسـيد ]

البارت السابع عشر •

بقلمي :وردهَ الـ محمد

تصويت لقصه عنوناتي 🤍

علقو بين الفقرات لطفاً 🤎

الانستا " rose_almuhammad

بسم الله الرحمن الرحيم 🕊️ ✨

________________________
زهراء ....

لحضات مثل الاحلام مرت بهل ساعه الحارس اركان شالها وخلاها بل سياره ورجع ع خليل وعثمان اخدهم وهما بعدهم مصدومين يدفع ويمشي بيهم كوه لحد ما دخلهم السياره وصعد واخدهم واخواني هم راحو وراهم ...

دخلت مصدومه وسديت الباب

-شصار ؟

غمضت عيني وفتحت ما مستوعبه بساعه بس ساعه وكعت هل مصيبه ع راسنه لا ع راس خليل أخته وروحه هي الي راحت يارب شنو هل فاجعه ؟؟؟

مريم - زهراء بنتي اصحي شبيج لا يصيرلج شي اصحي .

رفعت راسي عليها مصدومه جاوبتها صوتي رايح .

-ها ماما ها شفتي شصار ؟؟

-لا والله بس اخوج ليث كال اخت خليل سوت حادث وراحو هما أو ابوج وياهم .

-ماما السياره ضربتها حيل طارت طارت لُجين والله انشمرت لبعيد من قوة الضربه .

لطمت ع صدرها .

-سترك ربي سترك .

- أنا عبالي حادث بسيط وانتٍ شطلعج وراهم يا بنتي لو صايرلج شي لو منصدمه ومتجفله تسوء حالتج يا ماما إن شاء الله مابيها شي تعالي كعدي لج شبيج ترجفين!! .

حجيت وبعدين ما مصدكه الصار ولا مستوعبه مصدومه وهي عبالها الحادث بسيط .

-لج يوم ماتت والله ما اضل لُجين راح تموت من قوة الضربه .

دلال- أو موتتهم يمعود تعبنه منها وخليل نهد حيله وهو يركض وراها ويراضي بيها وهسه تطلع مو اخته وكل هل ....

-هشش هشش دلال مو وقت هل حجي هشش حرام عليج .

كالت أم خليل .