نـــهـج ابنة [ الـسـيد ]

البارت واحد وعشرون •

بقلمي :وردهَ الـ محمد

تصويت لقصه عنوناتي 🤍

علقو بين الفقرات لطفاً 🤎

الانستا " rose_almuhammad

بسم الله الرحمن الرحيم 🕊️ ✨

________________________
علي ...

طلعت من يم زهراء وعقلي كله يمها مقهور وضايج عليها تبجي وعيونها حمر بس أضم عني بجيها وقهرها اعرف كلش زين تريده لخليل بس تخلت عنه علمودنه وقررت تتعالج وترجع مثل قبل وتنسى خليل ...

التفت ع صوت ريناد دك كلبي بقوه واحس روحي ردت قبلي عليها ..

علي ::ها ريناد خويه تردين شي؟

باوعتلي وعكدت حاجبها ريناد احبها من جان عمري ١٨ سنه بس كله من بعيد لبعيد ولا مره كتلها واعترفت الها ولا مره تقربت منها لو سويت شي يخليها تفكر اني احبها لو تفكر بشي مو زين اتجاهي طول هل سنين سكتت ومحجيت لن أولاً خفت ثاثر ع دراستها وثانياً خفت ع علاقتنه الي جانت عباره هي تعتبرني اخوها بس بل نسبه الي لا احبها من جان عمرها ١٦ سنه وكبرت وكبر هل حب بكلبي ولا مره كدرت ما افكر بيها ولا مره كدرت أغفل عنها وانسى  ابدا حتى من جانت تسافر تدرس بغير دول لا بل عكس يزيد حبي وشوقي الها ومرت السنين ...

وطلبت من زرهراء تسألها إذا اكو احد بحياتها وانصدمت واكلت وجع وطن قهر من عرفت هي أو ابن خالها بينهم حب مو علاقه ما أضن بيها بس سمعت بينهم نضرات وحب لا اكثر وهذا الشي مو حرام ابدا ما اكول بطلت لا والله متت قهر من عرفت بس ابتعدت وقررت احتفظ بحبي الها من بعيد لبعيد لحد ما الله ياخد إمانته واموت لوقته خليها هي سعيده وتاخد الي تحبه ينكسر كلبي ولا كلبها واجبرها علي !!!.

كالت بخجل تنزل عيونها وترفعهم واني احس ترمش ع كلبي مو بعيونها .

ريناد :: عفيه بس تكدر توصلني لبيتنه ابوي نساني وعُقاب بل دوام .

علي ::اي أدللي بس ابدل واجي اخدي الشمسيه من البوفيه وطلعي لحوش جاي وراج .

راحت واحس لو تمشي وتتمايل ع كلبي استغفرت ربي وغضيت البصر عنها ورحت بدلت وطلعت اباوعلها جوا المطر مقدمه ايدها حتى تنزل عليه قطرات مطر  شكلها طفولي وبريئ من شافتني اندارت لباب فتحته وطلعت شغلت السياره وصعدت وهي هم ضليت ساكت ماريد احجي واتعلق أكثر دام تحب واحد وتريده الله يسعدها بعد .

شخطت السياره من كالت بهدوء .

ريناد ::أنا وابن خالي ريان انفصلنه .