نـــهـج ابنة [ الـسـيد ]

البارت الحادي عشر •

بقلمي :وردهَ ال محمد

تصويت لقصه عنوناتي 🤍

الانستا " rose_almuhammad

بسم الله الرحمن الرحيم 🕊️ ✨
________________________
زهراء ....

فتحت عيني اباوع نايمه بل سرير وهو كاعد بل كاع منتجي على السرير لازم أيدي بين كفوف أيده ساند رأسه عليهم واسمع صوت بجيه ويحجي ويا روحه .

خليل ::التوبه اعيده التوبه اعيده ربي لا تعاقبني بيها .

خليل ::بعد ما اشرب ,ما ازني ، مااتعطى ،ما أذنب اصلي واصوم اسوي الي تريده بس لا تعاقبني بيها يا ربي .

رفع رأسه من سمع انين وجعي باوعلي وعيونه تدرف الدمع والشراين حمر ادرف وشفته ترجف .

خليل::شسويتي بيا زهراء .

ضليت ساكته ارمش بهدوء واباوع برود كلبي يوجعني وجسمي منهش نهش من الوجع ودماغي واكف من القهر والتعب .

خليل::حيلي نهد من شفتج بدون حيل .

خليل ::اتوب واسوي الي تريده زهراء لا تعاقبيني بيج اروحلج فدوه .

باس أيدي واجه يبوس بعيوني ويحجي ويايا .

وكف معصب من شافني ساكته كلب الغرفه يشمر الغراض ويضرب بيهم عصر رأسه يهز بيا يكعدني واني ساكته أعقبه اب سكوتي اب برودي عرفت نقطة ضعفه وجاي استغله عسى ولعل يفيد ويا ويعوفني بحالي بس ما انكر منهد حيلي ومكدر اسوي شي ولا حركه ولا نفس عاجزه .

خليل::زهراء كعدي راح اتخبل شبيج ساكته؟

خليل::ولج اخخخخ كلبي كعدي راح يوكف شبيج شبيج .

نغزني كلبي من نطق وعبالك اول مره يكولها حتى هو مصدوم بنفسه .

خليل ::دخيلك الله لا تعاقبني بزهرتي .

كعد على ركبه سحب ايدي يبوس بيهم ويتوسل احجي ساعه كضها يتوسل واني اباوع عليه ساكته اريد اشفي غليلي واشوفه ذليل الي بلكت ترد الي كرامة هل ايام واني أتوسل بيه يحقني الابر ويتقرب مني .

خليل:: ارجعج بس كومي رجعي زينه شبيج زهرتي ليش هيجي ضعيفه وينن زهراء الشرسه من تصير بوعيها .

دك موبيله وهذا اول مره يدخله للبيت يخاف لا الزمه وأخبر اخواني رفعه وعكد حاجبه من شاف رقم عثمان فتح الخط والمايك كمزت بالم وزحفت عنده من اجه صوت علي .