نـــهـج ابنة [ الـسـيد ]

البارت التاسع •

بقلمي :وردهَ ال محمد

تصويت لقصه عنوناتي 🤍

الانستا " rose_almuhammad

بسم الله الرحمن الرحيم 🕊️ ✨

________________________
علي ...

واكف بل مركز وهاي صارلي شي ١١ مره اجي عليها وهاي اول مره تصير ويايا واجي هل كثر للمركز ، حاير بين ابوي وامي الي بل مستشفى وبين اخواني الي بل سجن وبين قضية اختي وخطفها صارلي ايام مثل المخبل لا نومي نوم ولا كعدتي افتر بل شوارع مثل المخبل وعبد الرحمن ويايا واليوم طلع لغير محافظه بلكت والله يلكي اختي الي فص ملح ذابت وما جاي نلكيها .....

والي م هم جيت حتى اشوف اذا اكو خبر عن اختي لو لا وبسبب سجن اخواني سيف وغيث والسبب لين شكو بصديق عُقاب الي خطبها وهجمو عليه يضربون بدون تفاهم مثل الثور . وامي وأبوي الي وكعو من المرض من سمعو خبر خطفها لزهراء ليوم هما هناك وكاضيها بينهم حتى مكدر اطلع ادور عليها أنا بنفسي وابرد كلبي واريح بالي ...

التفت مزوعج والضباط سكت من دخلت بنيه تصرخ بصوت عالي والعسكري لازمها .

::شنو دقول ما سرقت شي انتو اش بيكم كل عقلكم!!!!!

مد أيده اللعسكري لازم أيدها وراه ضهرها وهيا تراوغه تريد تخلص روحها منه ماخده المركز بصراخها ولسانها .

::ولكم بس لا تقيدون أيدي عوفني راح اتخبل لا تقيدون أيدي اكرهو لهل شي أنا مو كلب تقيدون بيااا .

::اسكتي ولج *** لسانج لسان **** .

وكف الضابط على حيله وراح الهم حجيت وراه .

علي ::سيدي وين وقضية اختي؟

::هدي ابني نشوف شنو سالفة الاخت .

راح الها وكل الي بل مركز تاركين شغلهم وداخلين مكتب الضابط يباوعن الها بسبب صوتها الي طغى على المكان .

::عوفها ، بنتي شبيج ليش الصياح شكو ليش جايبيج هنا؟

::سيدي ما يصير هاي يوميه زوجة ابوي مشتكيه علي اني ابوك منها وكل مره يطلع هل شي جذب وترجعن تاخدوني وتسجنوني تره مو حاله هاي تعروفن هي كذابه شكو تاخدوني ؟؟؟

التفت يسأل العسكري ليش جايبها وهي تلتفت تنفض وتهز برأسها وشعرها الاسواد يتناتر على كتفها وضهرها عينها صارة علي باوعتلي وخزرتني نترت بيا .