نـــهـج ابنة [ الـسـيد ]

البارت الرابع عشر •

بقلمي :وردهَ الـ محمد

تصويت لقصه عنوناتي 🤍

الانستا " rose_almuhammad

بسم الله الرحمن الرحيم 🕊️ ✨

________________________
زهراء ...

كاعده بشقة عُقاب الي علي كاعد بيها هل فتره ضامني من أعمام ابوي الي كل فعلهم وحجيهم ثار ، قتل ،طم العار
ولا مره ادخلنه بيهم أو مشاكلهم هما اب محافظه واحنه اب محافظه بعدين عنهم ومن سمعو بخطفي اجوي تدخلو بينا ويكولن نريد نطم عارنه هيجي علي كلي واليوم راح علمود الكعده حتى يتفاهمون بعد ما صار عندهم خبر علي لكاني وهسه ضامني عنده خايف علي منهم ...

رفعت راسي من دخلو ريناد أو دلال ولُجين اخت خليل اخت الي دمرني ومرد روحي مرد .

لُجين:: اكدر احجي وياج زهراء؟

هزيت راسي بلا .

ريناد ::زهراء صارلج اسبوع مقفله الباب وكاعده عليمن يا روحي راح تتمرضين إذا ضليتي هيجي .

ضليت ساكته تقربو كعدو يمي رادت تلزم ايدي صرخت .

زهراء ::لا لا تلزميني اني محد يلزمني بس خليل خابرو خلي يجي فدوه .

تقربت مني دلال بيدها اكل رفعت أيدها توكلني صرخت واني ادفع بيها .

زهراء ::لا توكليني لا تلمسوني اني بس خليل يوكلني ويلزمني عوفني بحالي عوفنيييي .

وكفت ركضت جريت غراض الي بل ميز طشرتهم اصرخ واذكر شلون يوكلني وينومني بحضنه .

زهراء ::خابروه خلي يجي وينه علي خلي يجيبه الي وينه .

خليت ايدي على راسي اجر بشعري حيل واضرب روحي فاقده تجر بل غراض الي بل غرفه واضربهم بيها اصرخ بيهم وهما مخلين أيديهم يتفادون الضرب .

::خليل ويننن وين خليل وين عافني هو كلي ما اعوفج وينههه .

تقربو مني هجمت اضرب بيهم اخرمش وجهم وأجر شعرهم فاقده وهما يصرخون بين ايدي تحولت لوحش اضرب بيهم واصرخ عليهم .