မင်ဂယူနဲ့ဝန်နူးတယောက်ကိုတယောက်သိလာတာ၂လလောက်ပင်ရှိတော့မည် ၂လအတွင်းကောင်လေးကသူ့ဆီနေ့တိုင်းတရက်မှမပျက်နေ့တိုင်းရောက်လာတတ်သည်။ မင်ဂယူအနားမှာရှိတဲ့အချိန်တိုင်းသူစိတ်လုံခြုံတယ်လို့ခံစားလာရသည် အချိန်တော်တော်များများအေးတိအေးစက်နေတတ်တဲ့သူ့ကိုလက်ခံပေးတဲ့သူကသူငယ်ချင်းဖြစ်သူယူရင်းပြီးရင်မင်ဂယူကပထမဦးဆုံးသူစိမ်းတယောက်ပင်။ တသက်လုံးဘယ်လောက်ဘဲတယောက်တည်းနေလို့ဖြစ်ပါတယ် တယောက်တည်းလဲဖြစ်တာဘဲဆိုပြီးလောကကြီးကိုတယောက်တည်းသန်မာချင်ယောင်ဆောင်ပြီးနေလာတဲ့သူတွေဟာလည်း နောက်ဆုံးကျရင်တော့သူတို့နဲ့အတူတူတယောက်တည်းလိုက်ပြီးနေပေးမယ့်သူတယောက်ကိုလိုအပ်ကြတာဘဲမလား။ အင်း ကြည့်ရတာသူလည်းနောက်ဆုံးတော့အဲ့လိုလူမျိုးရှာတွေ့သွားပြီထင်ပါရဲ့ ပျော်ရွှင်စရာတွေဆိုတူတူဝေမျှချင်ပြီးဝမ်းနည်းစရာတွေပင်ပန်းရတာတွေရှိလာတဲ့အခါပြိုလဲပြချင်မိတဲ့လူ။ အဲ့တာဆိုယူရင်းကရော ယူရင်းမှာကအမြဲတမ်းဝန်နူးဘဲရှိခဲ့တာမလား။ ကိုယ့်အတွေးနဲ့ကိုဖြစ်နေတုန်းကော်ရစ်တာကနေခြေသံကြားလိုက်တာမလို့မင်ဂယူလာပြီဆိုတာသူသိလိုက်ပြီမို့ အလုပ်လုပ်ချင်ယောင်ဆောင်ရတော့မည် မဟုတ်ရင်ထိုကောင်လေးသူ့ကိုတချိန်လုံးထိုင်ကြည့်နေတာတွေကိုသူခံနိုင်ရည်မရှိဘူးလေ။
နံရံပေါ်မှာချိတ်ဆွဲထားတဲ့နာရီကနေလက်တံတွေဟာစည်းချက်မှန်မှန်ရွေ့လျားနေပြီးအခန်းတွင်းမှတိတ်ဆိတ်မှုအားဖြိုခွဲရန်ကြိုးစားနေကြသည်။ ဒေါက်တာဂျော်ဝန်နူးကတော့စားပွဲမှာထိုင်ကာဒီနေ့အတွက်သူ့ရဲ့စာတမ်းတွေကိုအပြီးသတ်နေသည် သူနဲ့မျက်နှာချင်းဆိုင်ဆိုဖာပေါ်မှာတော့မင်ဂယူကပက်လက်လဲလျောင်းကာအကြောဆန့်နေပြီးလက်ကနေလည်းဖုန်းထဲမှ mail များကိုစစ်ဆေးနေသည်။
မင်ဂယူဒီရောက်နေတာ၁နာရီကျော်လောက်ရှိပီ ဒါကထူးထူးဆန်းဆန်းအရာတော့မဟုတ် ဝန်နူးညဂျူတီရှိတဲ့နေ့တွေဆိုမင်ဂယူကဆေးရုံကိုရောက်လာတတ်ပြီး ကုမ္ပဏီမှာပင်ပန်းလို့ဒီမှာအနားယူမလို့ဆိုပြီးအကြောင်းပြကာဝန်နူးအလုပ်ပြီးတဲ့ထိထိုင်စောင့်ပေးသည်။ ပုံမှန်ညတွေဆိုအဲ့လိုဆိုပေမယ့်ဒီညကတော့မတူဘဲမင်ဂယူကတခုခုထူးခြားနေသည် လက်ဖဝါးတွေကနေချွေးတွေထွက်နေပြီး သူ့ရဲ့မူမမှန်တဲ့အပြုအမူကိုသတိမထားမိဘဲအလုပ်လုပ်နေတဲ့သူဆီကိုခနခနခိုးကြည့်နေမိသည်။
YOU ARE READING
𝐇𝐞𝐚𝐫𝐭𝐬 𝐢𝐧 𝐭𝐡𝐞 𝐂𝐫𝐨𝐬𝐬𝐟𝐢𝐫𝐞
Romanceချစ်ခြင်းမေတ္တာတခုအတွက် ငါတို့အသက်တွေဘယ်လောက်အထိပေးဆပ်ရဦးမလဲ
