الفصل العشرون
اللهم صلي وسلم وبارك على سيدنا محمد وعلى آله وصحبه اجمعين ❤
بعتذر جدا على التأخير وبتمنى تسامحوني وتتفاعلوا مع الاحداث لاني والله حاسة اني بنشر لنفسي
ومتنسوش ابدا...
#مقاطعة_موقع_الايام_واكسترا
بعد ان اطمأن أدهم على مها عاود مرة اخرى للمستشفى فخرج كرم من العناية وذهب لحازم ليطمئن عليه فوجده قد نزع القناة الوريدية من يده قبل ان ينتهي المحلول وجلس على الفراش شاردا مهموما...
فجلس كرم بجانبه وهو يربت على كتفه:
ــ سيبها لله ياحازم وان شاء الله ربنا هيدبرها من عنده... لكن انا بردو مش فاهم ليه حكيت ليهم كل حاجة عنك وعن ابنك... انت كدة خوفتهم..
حازم بتعب:
ــ كان لازم المصارحة دي يا كرم... انا عاوزهم يقبلوا وهما عارفين كل حاجة عن ابني... عشان يقدروا يساعدوه ويصبروا عليه... لكنهم للاسف رفضوا.. وفرصة كبيرة اني ألحق حياة خالد ضاعت من ايدي..
تنهد حازم بإرهاق وهو يستطرد:
ــ طمني البنات كويسين؟
كرم بهدوء:
ــ اطمن الاتنين حالتهم استقرت.. انا بس عاوز اوضح لك حاجة مهمة... اللي رفض ابنك اللي اسمها زينب
حازم بتعجب:
ــ ما انا عارف انها هي اللي رفضت.. ايه الجديد يعني؟
كرم بمكر:
ــ الجديد ان اختها كانت خارجة من عندك دموعها مغرقة وشها وده مش منظر واحدة رافضة واحد... ده منظر واحدة اتجبرت ترفض واحد بتحبه او ممكن نقول معجبة بيه
حازم بحيرة:
ــ قصدك ايه ياكرم مش فاهم؟
كرم بخبث:
ــ قصدي انك تعيد امجادك بتاعة زمان... ومتستسلمش من اول مواجهه... جرب مرة واتنين وتلاتة لحد ماتوصل للي عاوزه
واتبع كلماته بغمزة اتسعت عيني حازم وهو يهتف:
ــ قصدك.....
كرم بمرح:
ــ ايوة... هو ده بالظبط... تعالى نرجع المحلول ده بقى عشان تستعيد نشاطك وتقدر تنزل الملعب قريب
ضحك حازم وهو يهتف بمرح:
ــ انت مكنتش كدة... اتعلمت كل ده امتى..؟
كرم بابتسامة مرحة:
ــ تلميذك ياكبير...
فضحك الاثنان وغفلا عمن كان عند الباب يود الاطمئنان على حازم واستمع لحوارهما كاملا وقرر قرار صارم لا رجعة فيه....
***********************************
دمعة تتبعها اخرى منذ كان ساجد عندها يعلمها بحقيقة ما تجهله بخصوص رحلة أحمد وظلم زوجها...
