ياغاية نوفل ومناه

بارت ١٧

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : rrwwisf
الكاتبه : الحور ( ام ابراهيم )
تنويه : الروايه حقيقيه تماماً

________________________

.
سكتت غايه وانحنى نوفل وكان قريب منها واخذ القطوه ، غايه كانت متجمده بمكانها من الخوف ، بعد عنها وطلع برا وهو شايل القطوه ويضحك من حركات غايه ، التفتت غايه ونطقت : يافشلتني
فاطمه : وليه تصراخين دامه يافشلتك
غايه : عميمه غصب وش اسوي
فاطمه : امشو داخل
دخلو داخل ونوفل كان برا ومعه القطوه ونطق وهو مبتسم : ليه تخرعينها ها
القطوه كانت ساكته وتطالع له ، نزلها نوفل ودخل داخل ،

- بعد سنه -

بعد مرور سنه كامله على وفاة هدى واللي كانت مشاعر نوفل متلخطبه مرا يضحك ومرا يبعد عن الناس ويجلس يفكر بـ هدى وكان يحاول يخفي مشاعره عن اللي حوله اما اذا كان لحاله يصير نوفل ثاني وبس يهوجس ويفكر وبنفس الوقت يفكر بـ غايه وصار عنده خوف شديد انه يفقدها وكافي هم هدى على قلبه ، بهالسنه كان يروح للمستشفى ويزور ام حمدان هو وفاطمه وكانت فاطمه تدخل عندها وتطمن عليها بما انها من بعد ولدها صارت مجنونه ، نياف واللي كان مكذب ان سعاد محجوزه لود عمها فيصل وكان داخل معها جو ويسولف معها وهي تقبلته ولاكانت تدري ان اهلها صادقين بإنها محجوزه لولد عمها ابداً لين جاء اليوم واللي كان صدمة سعاد فيه ،

دخل ابو سعاد البيت ونطق بصوت عالي : وين بنتي حبيبتي سعاد
سعاد سمعت صوت ابوها وارسلت لـ نياف ( بابا يناديني شوي واجي ماني مطوله )
نياف ( تمام )
نزلت من الدور الثاني وضمت ابوها ونطقت : كيفك
بعدت عنه ونطق ابوها : بخير الحمدلله وجيت وانا عندي خبر بيطيرك من الفرح
سعاد ابتسمت : اكيد ميلاف جابت صح !
ابو سعاد : لااا مطولين على ولادتها
جلس وجلست جنبه : اجل ؟
ابو سعاد : من يومك صغيره وحنا قايلين انك لولد عنك فيصل
سعاد انصدمت من كلام ابوها واللي ماكانت مصدقته بالاساس ونطقت : بابا اكيد مزح وش تقول !
ابو سعاد : مزح وشو يابنتي
قامت سعاد من مكانها ونطق ابوها : تجهزي بعد يومين بيجون
التفتت سعاد ونطقت : انا ماني متزوجه الا نياف ولد خالتي
قام ابو سعاد بصدمه ونطق : وش تقولين انتي ؟
سعاد سكتت ونطق ابوها بحده : ماعندنا هالسوالف وخلاص كل شي راح والكل يدري انك لفيصل ولد عمك
سعاد : طيب طيب اجل وجهي ماراح تشوفونه
طلعت من الدرج ونطق ابو سعاد : ارجعي يابنتت
ماسمعت له وسكرت الباب على نفسها وجلست وهي ماهي مصدقه الكلام اللي سمعته من ابوها ،

نوفل كان جالس عند النار يسوي قهوه سعوديه ونياف يغني :
‏ياعاذلين الهوى مايفيد الكلام
‏مسكين مسكين من قد بلي بالغرام
‏فالحب جنه وبالبعد نار وهيام
‏مسكين مسكين من قد بلي بالغرام
نوفل ردد معه :
‏مسكين مسكين من قد بلي بالغرام

نياف : الله عليك ياشيييخ
نوفل ضحك : وعليك
التفت نياف وشاف ان سعاد ترسل وابتسم ابتسامه واضحه ، نوفل عقد حواجبه : عاشق جديد
نياف التفت له : ان شاء الله معرس جديد بعد
نوفل : يعني فيه شي
نياف هز راسه : اي
نوفل : رسايل شي
نياف : اي
نوفل : بس ماينفع ياخوك هالتواصل صلح غلطك واخذها بالحلال
نياف : انا شاك بموضوع اذا تأكدت ان شكي بمحله بخطبها
نوفل : من بنته
دقت سعاد على نياف والتفت نياف لجواله والتفت على نوفل : بعدين عاد اقولك التفاصيل لان شوفت عينك مزعجتني الحين لو ما ارد بتقول ياخاين
ضحك نوفل : اعوذ بالله منكم ومن حبكم كان خطبتها بالاول وملكت عليها بعدين عاد سولفو لين يطلع لك عرق
ضحك نياف واخذ جواله وفتح رسالتها ، تلاشت ابتسامته وقام من مكانه بدون لايحس ،
نوفل بأستغراب : ولد علامك
بعدّ نياف عن نوفل وهو يقرا الرساله
( كلام اهلي طلع صح واني محجوزه لولد عمي فيصل .. نياف تصرف تكفى مابيه ولا اطيقه من يومني صغيره مابيه ابيك انت صدق اني بالاول كنت اتقزز منك لكن يوم عرفتك وسولفت معك وحبيتك بكل مافيني عرفت ان ظني كان فيك سيء والحين عرفتك زين ، نياف امانه لاتخليني )
نياف انصدم من كلامها وان طلع كلام امه صح ! ، دق عليها ،
نوفل ضحك على الصامت : الله يهديك بس وصلت للمكالمات !
ردت عليه ونطق : ليه ماعلمتيني
سعاد بدموع : ماكنت ادري ان كلامهم صح
نياف : اعتذر ابوك وكلنا عارفينه هو وجدك كلامهم يمشي على الكل ووش تبيني اتدخل ؟ مقدر اعذريني
سعاد : تكفى نياف مابي احد غيرك
نياف : وش تبيني اسوي
سعاد : بس لاتروح لغيري انا بحاول انت بس خلك كذا انا بحاول مع امي وابوي بس تكفى لاتروح لغيري انا ماتقبلت احد غيرك
انفطر قلبه ونطق : لو تبيني انتظرك للممات .. انتظرك
بكت سعاد ونطق نياف : اخليك الحين لين تهدين
قفل الخذ وجلس عند نوفل وقاله كل شي ،
نوفل بصدمه : اعوذ بالله !!!!
نياف هز راسه : ليتني مارحت للاسطبل ذيك الليله
نوفل : هونها وتهون ان شاء الله واكيد انها بتتصرف وانا ادري ان ودك تتصرف حتى انا ودي اساعدك بس تعرف ابوها مايغير كلامه لكن لعلها هي الوحيده اللي تقدر تغير كلامه
هز نياف راسه ونطق : ان شاء الله
نوفل اخذ الدله والفنجال وصب القهوه السعوديه ومده لنياف ، نياف هز راسه : بس
نوفل : اوهم نفسك انك ماسمعت شي وتعوذ من الشيطان وهذاني انا من طلعتي على الدنيا وانا احذركم هالسواليف لاتقربونها بس ماينفع فيكم
نياف التفت له : عساس انك ماحبيت
نوفل : بس مابيننا تواصل
نياف صد : ليتني ما اخذت حسابها
نوفل : عين من الله خير وارجع لله وتوب الواحد ماعنده الا ربه
هز نياف راسه ونطق نوفل : امسك فنجالك
اخذ نياف الفنجال وصار يشرب ويفكر ،

- بيت سعود -

فاطمه راحت لبيت اخوها سعود وبدون لا احد يدري هي ليه جايه بالضبط .

فاطمه : اسمعيني يا قمر انا جايه ابي اشاورك تعرفين مانبي نستعجل يمكن البنت ماتبي
قمر بأستغراب : ايوا ؟
فاطمه : مر على وفاة هدى الله يرحمها سنه وتعرفين العمر يركض ون..