ياغاية نوفل ومناه

بارت ١٥

بيكون موعدنا يومياً هنا وبالانستا ، ممكن اعتذر عن البارتات فضروري تتابعوني بالانستا ♥️
انستا : iiwwrrf
الكاتبه : الحور ( ام ابراهيم )
تنويه : الروايه خياليه تماماً

________________________

.
هزت غايه راسها وقامت قمر وخذت الجوال ونطقت : الو
فز نوفل وبعد الجوال عن اذنه ، خذته فاطمه ونطقت : هلا هلا معك وش فيها غايه
قمر : لا طاحت بس الحمدلله ماهي قويه
فاطمه : اشوا الحمدلله اي عاد هذا نوفل جاهز
نوفل بصدمه اشر على فنيلته وسرواله ، فاطمه طالعت له ومسكت ضحكتها ونطقت على الصامت ( رح البس ثوبك ) فهم عليها نوفل وراح لشقته ولبس ثوبه ،
قمر : لا يروحي هو توه جاي من عزاء
فاطمه : لا ماعليك مابه الا العافيه ها هذا هو جاء بلبس عباتي واجي معه
قمر : تمام
قفلت الخط والتفتت على غايه : وليه نوفل بالذات
غايه حركت كتوفها ونطقت : مدري
قمر : امشي نلبس عبينا على مايجون
غايه : ابشري
ركب نوفل السياره والتفت على فاطمه اللي كانت توها راكبه السياره : ماتحسين اننا استعجلنا
فاطمه التفتت : ولو انها وافقت على احد غيرك !
نوفل صد ولا قال شي ،
فاطمه : اي هذي المشكله اشوفك حتى ماقلت الكلمه
نوفل التفت : واذا امها شكت او شافتني بنظره ماهي زينه !
فاطمه : ياكثر كلامك امش بس امش
نوفل تكتف وركى ظهره ونطق : لا
فاطمه : انزل اجل انا اسوق
نوفل : ماعندنا حريم يسوقون
فاطمه بضحكه : ما شاء الله !!!
نوفل التفت عليها : جاوبي واحرك
فاطمه : اقول انزل ي..
سكتت اول ما نوفل مسك المفتاح وحذفه من الشباك ونطقت : ياغبيييي !!!
نوفل وهو ماسك ضحكته : مافيه دوري تصريفه
فاطمه : بقول ان الكل نايم ولا لقيت الا نوفل
نوفل فتح الباب ونزل واخذ المفتاح وركب ودخل المفتاح وحرك ،
فاطمه : مجنون الله يعني غايه عليك
نوفل : اعشقو المجانين فإن العقلاء مملون جداً
فاطمه ضحكت : المشكله انك صادق
نوفل رفع عينه على بيت سعود وابتسم ،
سعود طلع من غرفته وشاف قمر وغايه لابسين عباياتهم : على وين
التفتت قمر : فاطمه قالت تعالو ببيت عبدالله وهذي هي جايه
سعود : كان قومتيني
قمر : لا هي اصرت انها بتمرنا ولا ودي اردها
سعود : زين يعني ما اوديكم
قمر : لا
سعود : اجل استودعتكم الله
راح سعود لغرفته ورجع نام ، نوفل دق البوري ونطقت قمر : اكيد انهم وصلو
طلعو ولقو السياره عند الباب ، كان نوفل ماخذ جيب ابوه لان سيارته شاص ولا توسع لهم ، التفت نوفل وشاف غايه ورا امها ، صد وهو يحاول يخفي ابتساماته ، رفع عينه على القمر وابتسم ونطق بينه وبين نفسه ( حتى انا يا سما عندي قمر ) ، مرت غايه قدام السياره تبي تركب ورا نوفل ، رفعت قمر عينها على غايه ونطقت بصوت قصير : الله يهديك بس
رفعت غايه عيونها لنوفل لين طاحت عينه بعينها ، ارتبك نوفل ونزل راسه ، فتحت الباب وركبت ، قمر ركبت والتفتت على غايه واشرت بيدها بمعنى ليه مامريتي من ورا السياره ، رفعت غايه كتوفها ، قمر صارت تتوعد بغايه ، غايه نزلت راسها ، رفعت قمر راسها ونطقت : اعذرنا يانوفل اذا اتعبناك
نوفل : تعبكم راحه يا ام غايه والباقين كلهم نايمين ولا رضيت انكم تروحون وتجون لحالكم يالحريم بهالليل
ابتسمت غايه ورفعت عينها على المرايا ، رفع نوفل عينه على المرايا وشاف عيونها ، ابتسم على الخفيف وحط عينه على الشارع وحرك السياره واتجهو للبيت ، بعد دقايق وصلو للبيت ، فتحت غايه الباب ولا فتح معها ونطقت : عمه هذا مايفتح ليه
فاطمه : حركات عبدالله مايتركها مقفل الباب عن ولدي لانه مره فتح الباب وكنا بنروح فيها
نزل نوفل وفتح الباب لغايه ، نزلت غايه والتفتت له وابتسمت ونطقت : شكراً
هز نوفل راسه ورفع عينه لها وهو مبتسم : مابيننا ياغاية نوفل
انصدمت غايه من كلامه ، احس نوفل على نفسه وتنحنح وصد ، مشت غايه وسكر نوفل الباب ، ركضت فاطمه له ونطقت : وش قلت لها
نوفل وهو يحاول يهفي ابتساماته : ولا شي
فاطمه : لا والله !! اشوف براطمك تتحرك
نوفل ضحك : ياعمه وش هالكلام !
فاطمه : مردك بتعترف ادري فيك
راحت فاطمه ولحقت غايه ونطقت : وش قالك هاللي ماني قايله
غايه بتوتر : قلت له شكراً وقالي عفواً
فاطمه : واضح
ضحكت غايه : عميمه وش فيك
فاطمه : انا اقول امشي لا يجينا نوفل ويهاوشنا
كان نوفل وراهم بس كان شوي بعيد لكن كان يقدر يسمع فاطمه وغايه ،
غايه : لا عميمه قلبه رهيف ماقدر يهاوشنا
مسك نوفل قلبه ،
فاطمه : تعلميني بولد اخوي ! امشي بس قدامي
ضحكت غايه ودخلت داخل ، التفتت فاطمه على نوفل واللي كان مبتسم ويده على قلبه ونطقت : حسافة هالشوارب عليك
نوفل : افااا
فاطمه بحده : ادخل لابارك الله بعدوك يالخفيف هذا وحنا نضرب بك الامثال وجات وحده وهزتك
نوفل : لاتلوميني ياعمه
فاطمه حطت يدها على خصرها : بتروح ولا اعلم ابوك عليك
نوفل : لا بروح بروح بس بروح لشقتي وانا لازم ادخل داخل عشان اروح لشقتي
فاطمه : اي زين الحقني
مشت فاطمه ومشى نوفل لكن دق جواله ورد : هلا خالد
خالد : تعال للاستراحه
نوفل : عسى ماشر
خالد : تعال انت بالاول
نوفل : زين
قفل من خالد ونطق : عمه بروح شوي واجي
فاطمه : اذا جيت دق علي
نوفل : ابشري بس خوذي مفتاح ابوي
رجعت فاطمه وخذته وضحكت : لو يدري ابوك اني زارفه المفتاح منه وهو نايم
نوفل : بيخلينا ننام برا انا وياك
ضحكت فاطمه ودخلت داخل ، ركب نوفل سيارته وحرك للإستراحه ،
دخل نوفل وشاف وجه خالد واللي كان واضح عليه التعب ، تقدم نوفل بخوف ونطق : عسى ماشر !
التفت على صقار : علامه خالد !
خالد بصوت مبحوح :

الناس نامت وانا يا سعود سهران
والعين تبي النوم والنوم يجفيها

وقلبي حزين والخاطر ماهوب طربان
والنفس مالقت من يسليها

اشتقت وانا من كثر الشوق ياسعود تعبان
وبكيت وعيني مالقت من يواسيها