SURYAWARNA | COMPLETED ✔️

-39-

"මේ කුරුළු අර දැක්කද අර බලපං"

පැන් කළේට වතුර පුරවගෙන එනකොට මායි වන්දයි දැක්කේ මාරම සීන් එකක්. අර කෂ්මිර අයියා අපේ රෝස් පාන් ගෙඩියට පහන් වැට අස්සේ ඉදන් මුකුළු පානවා.

මේ පන්සල් භූමීය ඇතුලේ වෙන්න යන විපැත්තිය ලෝක පාලක දේවතාවන්ට පෙන්නේ නැද්ද?

"කෂ්මිර අයියා ගැටේට අහුවෙලා වගේ"

"අපි මොකද කරන්නේ කුරුළු. කෂ්මිර අයියව කෝම හරි අපේ අක්කගෙන් බේරගන්න ඕන"

මම ඔව් කියන්න ඔලුව වැනුවා. මොනා උනත් හිත හොද කොල්ලානේ. වැරැද්දක් වෙන්න දෙන්න බෑ.

"මෙහෙම කරමු. මම ගිහින් පරණ කෑල්ලකගේ සීන් එකක් ඇදලා ගන්නම් උබ සයිඩ් සපෝර්ට් එකක් දීපන්"

"පව් පිරෙයිද කුරුළු?"

"මේ වෙන දේවල් දැක්කේ නෑ වගේ හිටියොත් තමා පව් පිරෙන්නේ"

"එහෙනම් යමුකෝ"

වන්දා මුට්ටිය උස්සන් අඩියක් ඉස්සරහට තිබ්බම මාත් යන්න ගියේ. ඒත්-

"ඒයී දෙන්නම නවතිනවා!"

අපි දෙන්නම එක තැන හිට්ට උනා. ඊටපස්සේ හැරිලා බලනකොට හිටියේ යුපුන් අයියා.

"උබලා දෙන්නා ලෝක පුත්තුනේ බලන් ගියාම"

යුපුන් අයියා ඉනට අත තියාගෙන අපි දෙන්නා දිහා මාරුවෙන් මාරුවට බැලුවා. මෙහෙමයි ඉතින් අපි නරකක් කරන්නද ගියේ? නෑනේ? තමන්ගේ යාළුවා වෙනුවෙන් මෙයාලාවත් පෙනී ඉන්නේ නැති එකේ අපි හරි එපැයි මොනවහරි කරන්න.

"අයියේ මේ.. මායි කුරුළුයි හැදුවේ-"

"නෑ නෑ මම ඔක්කොම අහන් හිටියේ. අනික උබලට හිමින් කතා කරන පුරුද්දක් නෑනේ. පාඩුවේ ගිහින් පහන් පත්තු කරොත් හොදයි. නැත්තං දෙකම අල්ලලා එල්ලනවා බෝ අත්තක පැද්දි පැද්දි ඉන්න. තේරුණාද?"

"අහ්.. ඔව් ඔව් හරි අයියේ"

"යනවා ඉතින්"

අපි දෙන්නා දූවගෙන ගියා. හරි නරකයි එයා.

ඊටපස්සේ මායි වන්දයි අම්මාලා දෙන්නට මුට්ටි දෙක දීලා තෙලුයි පහන් තිරයි අරන් පහන් වැටක් ලගට ගිහින් පහන් හතක් පත්තු කරන්න තෙල් දාලා තිර දාලා හදව්වා. ඒත් එක්කම යුපුන් අයියත් ඇවිත් එයාගේ පාඩුවේ අපිට ඉස්සරහ තියන පහන් වැටේ පහන් හදන්න ගත්තා. මම ඔක්කොම පහන් ටික පත්තු කරලා අතේ ගෑවිලා තිබ්බ තෙල් ටික අතුල්ලලා ඩෙනිමේ දෙපැත්තේ ගාගත්තා. දැන් හරි.