Renjun တို့အတန်းက အရင်ဆင်းသွားတာကြောင့် Haechan ကို စောင့်နေရသည်။ အတန်းအပြင်က မစောင့်ချင်။ ဒါ့ကြောင့် ခပ်လှမ်းလှမ်းက သစ်ပင်ရိပ်မှာ ရပ်စောင့်နေလိုက်သည်။
"စီနီယာ Renjun "
အသံလာရာကို လှည့်ကြည့်လိုက်သည်။
Jeno ကောင်မလေးဖြစ်သည်။
"ဟုတ် ဒီဘက်က"
"Eun Byeol ပါ"
"ဟုတ် ဘာများပြောစရာရှိလို့လဲခင်ဗျ"
ကောင်မလေးက ပြောရမှာ ချီတုံချတုံဖြစ်နေပုံရသည်။
"Jeno Oppa နဲ့ စီနီယာနဲ့က တွဲနေကြတာလား။ ဟို ဟိုလေ ကိုယ်ရေးကိုယ်တာကိစ္စမို့ မဖြေလည်းရပါတယ်"
အင်း တွဲနေကြတာလားဆိုတော့မဟုတ်သလိုပင်။
Jeno က သူ့ကို ချစ်တယ်လို့ ဝန်ခံထားသည်။ ပြန်တွဲရအောင်လို့ပြောထားပေမယ့် သူ့က ချစ်တယ်လို့ရော တွဲရအောင်လို့ပါ တရားဝင် မပြောရသေး။ ကောင်မလေးက Jeno နဲ့ သက်ဆိုင်သူဆိုရင် သူ့အဖြေသည် ကောင်မလေးအတွက် အရေးကြီးပါလိမ့်မည်။
"မတွဲသေးဘူးလို့ပြောရမလားပဲ"
"စီနီယာရဲ့ ကိစ္စကို ဝင်ပြီး စွက်ဖက်တာ မဟုတ်ပေမယ့် Oppa နဲ့ ပတ်သတ်နေလို့ပါ"
ကောင်မလေး၏ မျက်နှာတွင် သံယောဇဉ်ရေးရေးကို သတိထားမိသည်။ သူငြိမ်သက်စွာ နားထောင်နေလိုက်သည်။
"Oppa က အရင်တစ်ခါက တော်တော်ခံစားခဲ့ရတာကြောင့် ဒီတစ်ခါလည်း စီနီယာကြောင့် မခံစားစေချင်ဘူး။ မသေချာရင် အစကတည်းက မျှော်လင့်ချက်တွေမပေးပါနဲ့လား"
ကောင်မဘေးက Jeno အကြောင်း တော်တော်သိထားပုံပင်။
"ဒီဘက်က ညီမနဲ့ Jeno က"
"အရင်က တွဲခဲ့ဖူးပါတယ်။ အခုတော့မသက်ဆိုင်ပေမယ့်ပေါ့"
ကောင်မလေးမျက်နှာက ခပ်ဆွေးဆွေးဖြစ်သွားသည်။
"ဒါပေမယ့် စီနီယာနဲ့က တွဲနေတာ မဟုတ်ဘူးဆိုတော့ ညီမအတွက် အခွင့်အရေး ရှိသေးတယ်ထင်တယ်။ ညီမကတော့ Oppa ကို လက်မလွှတ်နိုင်သေးတာ သေချာတယ်"
