assignment အတွက် သူတို့အဖွဲ့လူစုတော့ Jeno က ရောက်မလာသေး။
"Renjun ရေ Jeno မရောက်သေးဘူးနော်"
Haechan က ပြုံးစိစိနဲ့ဆိုသည်။
"အဲ့ဒါငါနဲ့ဘာဆိုင်လို့လဲ"
"အဟမ်း နင်လှမ်းခေါ်မယ့်အချိန်စောင့်နေတာနေမှာပေါ့"
"အေးလေ ဖုန်းလေးဘာလေး ဆက်လိုက်ပါဦး Renjun ရဲ့"
Bomi နဲ့ Miyoon က ပါ ပြုံးစိစိနဲ့ပြောလာသည်။
သူတို့ကလည်း လေးနှစ်လောက် တစ်တန်းတည်း ဆိုတော့ ပြောမနာဆိုမနာတွေ။ Lee Haechan သာမက သူတို့ကပါ move မ on နိုင်သေးပုံပေ။
"တော်စမ်းပါ။ နင်တို့လူကဖြင့် ညီမလေးရှိတာကို"
ဟုတ် မဟုတ်တော့ သိပ်မသေချာပေမယ့် သူရယ်၊ Haechan ရယ်၊ Chenle ရယ်၊ Mark Hyung တို့ squad ထဲက ထင်ကြေးအရ Lee Jeno သည် ဒီစာသင်နှစ်အစမှာ သူတို့ထက်တစ်နှစ်ငယ်သော ညီမလေးနဲ့ တွဲနေသည်ဟူ၍ ထင်ကြေးပေးထားကြသည်။
"အမယ်လေး Huang Renjun ရယ် ဟိုက မမဖြစ်ဖြစ် ညီမလေးဖြစ်ဖြစ် နောက်ဆုံးတော့ ဒီက ကျွင့်ကျွင့်လေးမှ ကျွင့်ကျွင့်လေးပါပဲတဲ့နော်"
"Kim Bo.."
"Renjun "
Bomi ကို ပြန်ပြောမလို့ပေမယ့် ကြားလိုက်ရသည့် အသံကြောင့် ရပ်သွားရသည်။
"Lee Jeno ရေ ငါတို့လည်းထိုင်နေပါတယ်ကွာ"
အေ ကောင်းတယ်။ ဝိုင်းသာလှော်နေလိုက်ကြ။ Lee Jeno နဲ့ တစ်ဖွဲ့တည်း ကျမိတဲ့ ငါပဲမှားတာပါ။
လူစုံလို့ စာလုပ်ကြတော့ အားလုံးက ဆူဆူညံညံတက်တက်ကြွကြွပါပဲ။ Lee Jeno တစ်ယောက်ကတော့ သူ့အလုပ်သူ ငြိမ်ငြိမ်လေးလုပ်နေလေရဲ့။
*
"တွေ့လိုက်တယ် တွေ့လိုက်တယ်"
လူက ထိုင်ခုံမှာ မထိုင်ရသေးခင် Chenle အသံက ကန်တင်းထဲမှာ အရင်ရောက်လာသည်။ ပြီးမှ Renjun နဲ့ Haechan ထိုင်နေတဲ့စားပွဲဆီရောက်လာသည်။
"ဘာတွေ့လို့လဲ"
"တချို့တွေလေ ex နဲ့ စာအတူလုပ်နေတာကိုပြောတာပါ"
ပြုံးစစနဲ့ Chenle ကို သူဘာမှမပြောတော့ပါ။ ပြောလည်းအာညောင်းရုံသာရှိမည်။
"Jeno Hyung က အခုထိ Renjun Hyung ကို ကြိုက်နေတုန်းမလား"
"အဲ့ဒါကတော့ Chenle ရယ် အင်္ဂါဂြိုဟ်က လှမ်းကြည့်ရင်တောင် Jeno က ကြိုက်နေတာ အသိသာကြီး"
Lee Haechan တို့ကတော့ သောက်ပိုတွေသိပ်ပြော။ ဒါကိုလည်း သူထုတ်မပြောရဲပါဘူး။ Zhong Chenle နဲ့ Lee Haechan ကို ပြန်ခံပြောရင် သူပဲခံရမှာ သေချာသည်။
"Renjun Hyung က မဟုတ်တာပါဗျာ။ ကိုယ့်ချစ်နေတဲ့သူကို အသည်းခွဲတဲ့လူ။ တော်တော်ဆိုးတယ်"
အံမယ် သူကများ။
"အေးလေ Jeno က အခုထိသူ့ကို ကြိုက်နေသေးတာ ငါတို့ တစ်နှစ်လုံးသိတယ်။ Lee Jeno နာမည်ပြောင်က ဘာလဲသိလား"
"ဘာတဲ့လဲ"
"မစားကောင်းတဲ့အသီး"
"ဟမ် ဘာကြီးလဲ။ ဒီလောက်ချောပြီး popular ဖြစ်တာကို"
ဒါတော့ Renjun လည်း ထောက်ခံသည်။ Jeno က သူနဲ့တွဲစဉ်ကတည်းက နာမည်ကြီးဖြစ်သည်။
"အေး ဒါပေမယ့် ငါတို့တစ်နှစ်လုံးက Lee Jeno ကို ဆို Huang Renjun အပိုင်လို့ သတ်မှတ်ထားတာ။ အဲ့ဒါကြောင့် ဘယ်သူမှ သူ့ကို စိတ်မဝင်စားဘူး။ အဲ မသိတဲ့ ကလေးတွေပဲ Lee Jeno ကို ကြိုက်ရဲတာ"
ဟား ဘယ်လောက်တောင် ရူးနှမ်းလိုက်တဲ့ စကားလဲ?
သူ့ခေါင်းကိုခါယမ်းလိုက်သည်။
Lee Jeno က သူ့အပိုင်တဲ့လား?
ဟာသပဲ။
