نطق بقلة حيلة: ما له أثر ...وما يرد على رسائلي ... والبنت مع ابوها
ام سراج متوهقه: وش الحل الحين ؟خالتي ما عندها إلا سالفة الخطوبه!
نطق بتفكير: اي أحد يسألك تقولين لوقت يرجع ابوها من السفر ..حتى سراج ما أبغاه يعرف لأنه ما شاء الله ينتظر اللحظة الي يفركش الموضوع
قطع كلامه والتفت على سراج لما نطق باستغراب وهو يدخل عندهم: وليش ما تبغاني اعرف...وش هالموضوع الي إذا عرفته رح أكنسله!!
ابو سراج يقفل الموضوع:مافي شي لا تشغل بالك!!
سراج متأكد الموضوع يخص زواجه .. نطق بإصرار: ترى من حقي اعرف كل شيء يخص موضوع زواجي...
أنا متأكد في بينكم سالفه وتكتمون عليها ..كم صار لك راجع وكنت مستعجل على اعلان الخطوبه بس للحين ولا عملت شيء!!
ما قلت لي وين مسافر ابو سندريلا حتى ما يقدر يرجع الحين ؟!
والأهم وينها سندريلا ليه ما احد يعرفها حتى أمي؟!
رفع حاجب ابو سراج لما حس نبرته فيها سخريه : كأنك جالس تتريق
هز كتوفه سراج ببراءه : وليش أتريق؟!
ذي أسئله ما لقيت لها جواب ؟!
من حقي أعرف كل شيء...والحين خبروني وش صاير؟!
زفر ابوسراج بضيق: ما في شيء بس سعد أرسل له وما في رد منه
عقد حواجبه سراج باستغراب: طيب سألت اهله عنه!
مط شفته بحيره: ما يعرفون عنه...ويقولون بالاصل ما هو مسافر!!
سراج نطق بانفعال: نعم!!
كيف كذا ؟! يعني كان يكذب عليك؟!
طيب البنت وين؟!
نطق أبو سراج بعجز:معه!!
عقد سراج حواجبه بتوجس:لا تقول إنك دفعت لهم المهر كامل !!
هز رأسه بضيق: وقتها اشترط المهر كامل!!
صفق سراج يدينه من القهر: ما شاء الله ... واضحه طريقه للنصب جديده!!
ابو سراج بعبوس:وش هالكلام ..سعد مستحيل يعملها ..اكيد عنده ظروف
سراج بقلة صبر: والحل
ابو سراج بتصميم:رح انتظرمنه الخبر!!
نطق برفض وذي فرصته يكنسل الموضوع: ماشاء الله ونجلس سنوات ننتظر سندريلا وأبوها يرجعون!!
خزه ابوه بقوة: على أساس ما تبغى الزواج الحين...وش الي تغير؟!
اسمعني ترى أفهم حركاتك لو تموت إلا يتم زواجك منها ..وغير ذي البنت ما رح تنزوج!!
تنرفز سراج من إصرار ابوه :ابفهم ليه محدد ذي البنت
مط شفته ببرود: ذي البنت دخلت قلبي وحبيتها
قاطعه بانفعال: بس أنا ما احبها ..وازيدك من الشعر بيت ..كرهي لها تضاعف ..ما ادري وش فيها زود حتى تحبها هالكثر!!
ابتسم وهو ينطق: باكر لما تتزوجها نشوف رح تتغير مشاعرك أو لا!!
رح تشكرني على اختياري!!
ام سراج تنهدت تحس الموضوع رح يتعقد : والحين اذا ما لقيت أثر لسعد
رد بلامبالاة: حالياً خلال هالفترة رح احاول اتواصل معه ...واذا ما نفع مضطر أسافر ما اقدر اتأخر أكثر ...
وقبل ما ينطق سراج باعتراض.. تابع كلامه:ولدنا ما هو مستعجل على الزواج وأنا ما ابغى ازوجك وأنا بالخارج ... التأجيل هو الأفضل ...وجدتك خلاص عرفت بخطوبتك !!
**
**
**
**
جالسه باجتماع الشركه وعقلها يفكر بعد التخرج رح تطلب وظيفه هنا ...
رفعت حاجب وهي تشوف بنت جديده اول مره تشوفها ..واضح إنها انضمت جديد للمجموعة ...وواضح إنها تحاول تثبت وجودها ..بكل نقطه لزوم تحشر أنفها ..واضح اطلاعها واسع ...رفعت حاجب بسخريه وهي تشوف المدير يناظرها باهتمام لكل حرف تنطقه واضح إنه الأخ معجب فيها ..صدق الرجال ما لهم آمان ..هذا وهو خاطب وهذا حاله...لو تعرف خطيبته الا تخبرها بحركاتها !!
ما تنكر إنها البنت فوق جمالها الطبيعي ...جذابة بشكل كبير ..واسلوبها بالكلام يدل على انها إنسانة عندها اطلاع ومعرفه!!
ناظرت الساعه بيدها .. متى ينتهي الاجتماع ..عندها اليوم حفلة تصوير خطوبه ..اخذت الكاميرا معها حتى تروح مباشره للخطوبة بما إنها على رجولها تتنقل ...التصوير فوق طاقتها بالرغم يدها للحين بالجبيرة ..بس مضطره تضغط على نفسها تحتاج الفلوس ...
بعد وقت انتهى الاجتماع ..حملت اغراضها وتوجهت للخارج وعقلها يصور لها كيف تأخذ وضعيات التصوير بيدها المصابة!!
وقفت لما التقت بسوار وهي تنطق بشك: المصوره!!
وهج وقفت بحاجب مرفوع وكأنه ينقصها الحين: ايه
سوار بابتسامة عريضة: يا بنت الحلال وين اختفيت اتصل عليك وجوالك مقفل...
قاطعتها وهج باستغراب: خير في شيء؟!
سوار انتبهت على يدها: سلامات سلامات ما انتبهت على يدك ..الحمد لله على سلامتك!!
وهج بهدوء: الله يسلمك!!
سوار بابتسامة: بغيت اتواصل معك ..ابغى تصوريني بمكتبي بعد ما توظفت هنا
وهج تهلل وجهها .. وأخيرا شغل نطقت باهتمام: ايه
سوار : اعطيني رقمك علشان لما تفكين الجبيره اتصل فيك
قاطعتها وهج ما تبغى تفوت ذي الفرصه: ما عندي مشكله ..اذا تبغين الحين ..احرك يدي عادي !
وين مكتبك؟!
سوار ابتسمت بفرح: بالجناح الثاني من الشركه ...كنت جاي اشوف ولد اختي ..بس الحين كنسلت يلا تعالي!!
هزت رأسها وهج والفرح يدغدغها .... وأخيراً شغل
**
**
بصعوبه خلص نفسه من اسئلة الاعضاء الي معه ...تحرك متوجه لمكتب سوار يشوف كيف وضعها مع الوظيفه الجديده....لو يطلع بيده الا من شوشتها يطردها ...
طرق الباب بخفه وفتح الباب وهو ينطق: سلااااام
سكت وهو يشوف بنت عندها ..نطق باعتذار: آسف ما توقعت عندك احد!
سوار بروقان: تعال ما في احد ذي المصورة ..تعال خذ معي كم صورة!!
دخل وقفل الباب وهو مستاء من سوار ما تشبع من الصور ...رفع حاجب وهو يشوف وهج للحين على شغلها ...منشغله بالكاميرا وما ناظرت لجهته ...غريبه هالبنت عمرها ما اهتمت لوجوده ...يشوف نظرات الإعجاب بعيون الكل الا ذي البنت ...
ما يدري إذا تزوجت أو لا ..وخاصه علاقته بابراهيم فيها فتور وما يلتقي فيه مثل قبل ...
زم شفته باستغراب منها يدها مكسورة وتصور فيها ..نطق باعتراض،: ترى يدك لها عليك حق ...ملحقه على التصوير!!
سوار بتبرير :قلت لها بعد ما تتعافى يدها بس رفضت!!
وهج كاتمه الألم ..وما هي قادرة تتنفس من شدة الوجع ومع ذلك ضاغطه على نفسها ..تبغى الفلوس!!
سوار باقتراح: اذا ما تقدري تكملين الصور ...نتفق على موعد ثاني!!
وهج وهي تحاول تنطق بصوت عادي فوق طاقتها: نكمل!!
سراج تكتف بعبوس ما عمره شاف ناس تحب الفلوس مثلها ...واضح إنها ماديه !!
نطق بصرامه: سوار كافي ..خلاص الصور الي التقطتها !!
سوار عبست ملامحها: بس كم صورة !!
وناظرت وهج : لا تضغطي على نفسك بشويش!!
هزت رأسها وهج وهي معقده حواجبها بعد ما تكلم سراج بهمس ما وصل لمسامعها بس متأكده يحش فيها ..ووقف عند الزجاج المطل للخارج بعد ما اعطاهم ظهره!!
سوار ناظرته وهي تسأل: تبغى تتصور
نطق بصرامه بدون ما يناظرها: لا
كملت وهج شغلها وما اهتمت له ولا لنظرته لها ...ما يهمها كلام ونظرة الناس دام إنها ما ارتكبت غلط!!
**
**
**
يحس هالبنت لوحدها لغز ..وش يجبرها تشتغل وهي بذي الحالة ...الي مثلها لزوم لها الراحه ...
والاهم وش جابها للشركه .. سأل سوار وما تدري شافتها بالصدفه هنا !!
والكاميرا معها معقول تبغى تصور شيء بشركتهم على حساب جهة معينه!!
ما ارتاح لتواجدها ..لزوم يعرف وش كانت تعمل بالشركه ..قرر يتبعها ويشوف وين رح تروح ...
يناظرها وهي تمشي بالشارع بخطوات هادئة واتزان ....يمشي بالسيارة على أقل من مهله ..يبغى يشوف وين رح تروح ...
ما رح يرحمها اذا اكتشف إنها تحاول تسيء لشركتهم....يحس بالضجر وهو يمشي على أقل من مهله ...وين رح تروح ؟! وليش تمش على رجولها ...مشت مسافه ما هي قصيرة!!
صدق هالبنت غريبه وعجيبه!!
وقف السيارة على جنب الطريق وهو يناظرها وقفت وهي تستند على الجدار ..واضح ترتاح أكيد تعبت من الطريق...
بعد وقت قصير تحركت وكملت طريقها...تحرك بشويش ييغى يعرف وين رح تروح ...
بعد وقت طويل عقد حواجبه وهو يشوفها دخلت قاعه افراح....
واضح عندها تصوير ...زم شفته بعدم فهم ليش مشت كل هالمسافه ؟!
ليش ما اخذت سيارة أجره ؟!
نفسه يكسر ابوها تاركها على رأسها تدور من حفله لحفله تصور خلق الله!!
تابع طريقه وعقله للحين ما هو مستوعب سبب تصرفاتها الغامضه ذي!؟
