عمري 20 وهاي السنه التانيه الي بالجامعه. اه نسيت احكيلكم اسمي
انا نورس وطالب بكلية الطب وبدرس لصير طبيب اسنان بعد ما اقنعوني اهلي بهالشغله
وطبعًا معدلي كان يسمحلي انه اطلع بعثة لدولة الجزائر واكمل دراستي فيها. لكن بدي ارجع شي سنتين ونص لانه بهداك الزمن بدأت قصتي...
بكون بيوم من ايام الدنيا متلبك ع سريري والخوف والقلق ماكل عيوني، وهاد حال كل طالب توجيهي شي ببكي، شي بمرض، شي بمضيها صلاه وشي قنوات القرآن.
انا من الخوف ما عملت شي ولا رضيت حتى اعرف شو نتيجتي،
فجأة ولا امي بتزغرت وابوي بتصل ع عمي وبباركله وخواتي بلشوا ينسقوا للحفله، واخوي طلع السلاح
وانا بعدني ما بعرف هههههه الله وكيلكم كانت فرحة العيله مو فرحتي لحالي.
لقيت قبال بيتنا بالتحديد ببيت استاذي زمان، شاحنة نقل اثاث
وانا بعرف انه الاستاذ وعيلته هاجروا المانيا لعند ابنهم المهندس.
لقيت صبيه شايله شنته صغيرة وبايدها التانيه بتحكي تلفون...
كنت مبسوط وفرحان كتير بس ما بين الشي لا بتصرفاتي ولا بشكلي
البست واتطلعت على اهلي كيف فرحانين ومبسوطين وبتصلوا بالعالم.
انا نزلت بدي اشتري شي بارد واشوف الشباب ...
صفنت فيها للبنت كانت ملامح وجهها غريبه تضحك وتبتسم شوي مع الي بتحكي معه بالتلفون، وشوي بتصرح ع اختها تشيل شغله، ومره بتدلع اختها.
حكيت اكيد هدول الجيران الجدد
واندوشت بالتفكير ودخلت السوبر ماركت
سلمت ع الشباب وباركنا لبعض وصار كل واحد يعزم الثاني ع حفلته
والي مابده يكمل دراسه وانشغلنا بالحكي....
طلعت ورجعت لقيت البنت
وفجأة بتصرخ وبتحكي : ولكككك شو؟؟ طلعوا النتائج ... طيب متى وليش ما اعلنوا... سكري التلفون بدي اطلع النتيجة.
بتسكر التلفون البنت وبتدكر انه لساتهم ما شحنوا اشتراك نت واشتراك الانترنت بتلفونها خالص .. انجنت البنت
انا ضحكت وجيت بدي ادخل
سمعت صوت من وراي بحكي : لو سمحت لو سمحت ... يا شب
انا: امري يا صبيه في شي؟
هي: معلش بدي غلبك لو معك نت بدي اطلع نتيجتي وما معي....
قاطعتها لانه عارف شو صار وضحكت : ههههههه بعرف بعرف خدي اتفضلي
