هي : شكرًا الك يا ....!
انا : نورس اسمي وبالمناسبه نحنا جيرانكم الي قبالكم اي شي اهلا وسهلا
هي : اهلًا نورس وانا مسك ... بس بدي غلبك تفتحلي من الخوف مو قادر اكتب
انا : مو مشكله انت متلبكة متل اهلي
مسك :عندكم توجيهي؟
انا : محسوبك توجيهي
مسك : بشررر طيب ليه هيك بارد كم جبت
انا :الحمدلله جبت 97.7
مسك: لو فيني حيل ببهدلك لانك مو فرحان بس دخيلك طلعلي النتيجة
بطلعلها النتيجة وبضم التلفون ع صدري وبعمل حالي زعلان ...
مسك: ليش لونك تغير؟؟ ... مالك انا كم جبت ... حملت الرياضيات صح؟ والله قلبي كان حاسس .. يا ماما يا حوينة الخصوصي والتعب (دموع)
بتوقع مسك ع الارض وبتصير تبكي
ببتسم انا وبنزل لعندها وبحكيلها : هبل دغري حسبتي الامور بعقلك انا زعلان لانه بعرف البنات اشطر ... ع كلًا مبارك يا نيوتن النص كم ... جبتي 93 وشحطات
بتمسح دموعها مسك زي المجنونة وبتقوم وبتحكيلي : شكلنا رح نتعب بهالجيرة وهاي بهدله ثانية بس بعدين رايحة ابشر اهلي...
بتلف ضهرها وبتروح ع بيتها وهي فرحانه
قبل ما توصل البيت بحكيلها : مسك ... انت والاهل معزومين اليوم ع حفلتي بعد العشاء تفضلوا
مسك: ان شاء الله باي
بطلع ع البيت وبتبلش امي تعزم بالجارات
واخوي رماد يخطط : بدنا نجيب كراسي حمر و 100 كرسي...الخ 0وكأنه عرس
بصير الوقت بالليل واخوي جايب كل اصحابه الي معهم سلاح وبلشوا ضرب رصاص بالهوا وعلمكم عن الحفلات التوجيهي
طبعًا بتيجي مسك واهلها وهي بتتصفن وكان شكلها زعلان وفرحان
انا طلعت ودخلت عند النسوان بعد ما وخالاتي جننوني فوت وفوت
بس فتت وصرت اسلم وخلص صرت اتسحب للمطبخ عشان اخلص وانا برجع لورا خبطت ببنت لفيت وجهي
طلعت مسك قاعده بتحكي وبتمتم : والله ويا نورس ولا عريس الله ينعن الوضع لو انا شب بعمل احلى من هيك انا مو فاهم ليش اهلي حبكت معهم ينقلوا وقت النتائج طيب ليش ما انا زي هالطلاب بدي حفله
ضحكت وحكيتلها : اعتبريها الك الحفله وشوو بيجي من نصيبك من نقوط
