نورس

البارت الثامن

رند: ولك رنا شفت بنت حلوه اليوم لابسه جلباب قصير فوشي مع شب حلو بسكسوكه وغمازه مين هدول؟؟
رنا: شو وله عينك ع المز ولا شو القصه!!!
رند: ولك بعرف البنت ... مو هاي مسك راجح؟
رنا: مزبوط شو عرفك فيها؟
رند: هبله ماهي بنت جيران خزامى شفتها بحفلة نجاح نورس...
رنا :اها ولك هاد حبيبها هاني يا هبله
رند : حبيبها !!!! من متى بفكرهم زملاء؟
رنا: ولك الهم اكتر من شي 7 اشهر سوا بحكوا انه تعرّف عليها من اول ما دخلت الجامعه..
رند: والله مو قليله مسك.
رنا: هههه ابدًا بعدين كل الكليه بتحكي فيهم بس الهبله مسك ما بتعرف انه من تحت لتحت.
رند: ليش الشب شكله مؤدب وحلو!
رنا :ههههههه ولك هبل، اول مبارح كان طالع مع صبيه وقبل شوي قبل ما يلتقي بمسك كان حضن صبيه تانيه بس الغبيه قال بتحبوا والحب عامي قلبها...
رند: شوووو..... والله يا نورس رح تنقهر..
رنا: شوفي مالك بتمتمي؟
رند: ولاشي بس بحكي هالغبيه كيف قبلانه يحكي مع غيرها .... يلا قومي نطلب ديلفري ونريح ماما من الطبيخ اليوم ....
بطلعوا الصبايا ورند بس مستنيه فرصه تحاكي فيها خزامى وتخبرها في يلي صار بس رند ما كانت تعرف انه انا بدي اتقدم بكرا لمسك...بالليل بتتصل مسك علي وكانت مبسوطه لانه سمعت انه بكرا جايين نطلب ايدها...
مسك: حبيبي واخيرًا رح نصير لبعض
انا : الله يوفق ويكتب الي فيه الخير
مسك: يا الله حبيبي ما كنت متخيله ربي يجمعنا واخيييرًا
انا: ........
مسك: مالك بيبي؟ صاير شي ليش ما بتحكي ولا مو عاجبك نكون لبعض ؟؟؟
انا: لاا عادي بس تعبان وبدي انام عن اذنك .

بسكر الخط وبحط راسي وبنام وبصير اتطلع ع البدله وفرحان انه حنكون سوا.... بس قلبي قابضني من قصة الشب
طبعًا بتكون رند بتحاول تتصل بخزامى تخبرها ع الي عرفته، بس الصدف كيف انه تلفونها علق وفصل شحن ومو راضي يشتغل...
صحينا ثاني يوم والاهل فرحانين وامي بدها تزغرت بس كاتميتها لبعد ما يتم النصيب، وخزامى نازله تكوي بالبدله واخواني الباقيين والعيله متجمعين ع السفرة عشان الفطور..
باخدذ انا خزامى ع جنب وبسألها ما ردت صاحبت؟
خزامى: نورس تلفوني علق ومو راضي يشتغل، بس خبرتها ادا صار شي ترن ع تلفون ماما.
انا: الله يستر
خزامه: ما تقلق دام لحد الان الامور خير والخطبه تتم ما اتوقع يكون في شي زي الي ببالك

طبعًا الوضع طلع خربان خزامى ناسيه تعطي رند رقم امي عشان ترن، بخلص فطور ع مسك لاتطمن ....اجا الوقت وتجهزوا كلهم ورن جرس بيت الدكتور راجح.
بقعدوا كلهم ومسك بتطلع من تحت لتحت وانا مو قادر اتطلع بعينها..

ابوي: والله يا دكتور انتم جيرانا من فترة ويشهد الكل باخلاقكم، وسمعتكم الي زي المسك والعنبر.
نحنا جايين نطلب ايد بنتكم مسك لأبنا نورس ع سنة الله ورسوله والي بتطلبوه نحنا جاهزين بنتك غالية بتتثقل بالذهب
دكتور راجح: والله ونحنا النا شرف يكون الدكتور نورس صهر النا..
واثناء الكلام ولسا ما قرأنا الفاتحه بيجي اتصال من رند لخزامى،
خزامى بتنصدم وبتاخدني ع جنب وبتحكيلي كل شي وبتورجيني الصور الي ارسلتهم رند...