في الاخر بتتصل روجينا وبتحكي... معها : شو فينك يا بنت خلاص هنا ما نقدرش مليت من هالحال مافي حد الا مشغول؟
نتاشا: افف قهر تعي هنا نسهر وياك
روجينا: ممممم لقيتا... تعا نروح club نسهر سوا يلا دقايق وبكون عندك..
بتوصل روجينا وبتكون جايبه لنتاشا فستان حلو، طبعًا الفستان انا كنت مشتريه لنتاشا وطلبت من روجينا تلبسه لنتاشا عشان الحفله بتلبسه وبزبطوا حالهم؛ وبطلعوا طبعًا نتاشا مستغربه وين ماخديتها روجينا وروجينا فهمتها انه نادي جديد فاتح واول ماوصلت لقت النادي معتم ومستغربه شو هالنادي الي في يخت فاتح، ما بتطلع الدرج الا الاضويه تشغلت وكل صرخ بصوت واحد Happy Birthday Ntasha
نتاشا بتنبسط وبتحضن روجينا والكل ...ببدأ الاحتفال واليخت بتحرك وبنصير في نص البحر مافي حولينا الا مي
بهاد الوقت كانت مسك بتفكر، وخطيبها اتصل عليها وكان شكله معصب....
مسك: اهلا ياسر
ياسر: بلا ياسر بلا زفت باقيه تحبي وتتمعشقي مع ابن الجيرااااان؟؟؟!
مسك : هدي بالك راسي بوجعني القصه قبل ما ننخطب
ياسر: قبل ولا بعد المهم بعدك بتفكري فيه يا حيوانه.... انا ما بوخدك لولا ما اهلي اجبروني عليكي بس طلعتي وحده واطيه.
مسك:اسمع لسانك ما يطول ولو انك زلمه ما حدا بجبرك بس اهلك شافوك ولد طايش واجبروك...
ياسر : اخرسي وله وبتردي جواااب... انا بورجيكي عند عمي ومن بكرا بتنقلعي ع المحكمه عشان اوراق الطلاق
مسك: بالناقص عنك ....سلام
بتسكر الخط وبتركض عليها امها تفهم ليش بتصرخ وابوها كان قاعد بالصالون، فبتحكي مسك لامها : بكرا بده يطلقني بالمحكمه الصبح عشان القصة الي اصلًا جبرتوني فيها على ياسر وبده يطلق خليه يطلق مش فارقه معي اصلًا من لما جبرتوني ماعاد يهمني مين يتزوجني ومن يطلقني.
الاب بسمع الكلام وبصير بده يبكي من الغلطه الي غلطها بحق بنته...
بهداك الوقت ع اليخت بكونوا كل اثنين برقصوا سوا الا انا ونتاشا لانه انا ما الي بهيك قصص وبنصير نحكي ونمزح متل عادتنا
بيجي وقت فتح الهدايا وطبعًا اول هدية كانت هديتي كانت بوكس كبير فتحته لقت جواته بوكس تاني فتحته لقت تالت وكل ما فتحت واحد بهدلتني اخر بوكس كان فيه ظرف.فتحت الظرف طلع تذكرة سفر معي للاردن
بحكيلها :نتاشا صار لازم اهلي يعرفوكي شخصيًا بتقبلي بهالتذكرة
نطت من الفرحة طبعًا نتاشا عندها وعند كتير ناس انه الشب او البنت تعرف الطرف التاني ع الاهل بكون شي مهم
ثاني يوم بتطلع مسك وتروح ع المحكمة وبتطلق، وبيجيها عرسان كثير بس ما بتوافق وهالمره اهلها ما قدروا يجبروها بعد الي صار، وكانت مسك لسا ما نسيتني وصار المرض ياكلها اكل، ما بتنام منيح ولا بتاكل ولا بتشرب ولا بتحكي مع حدا حتى اهلها وما بتطلع اي مكان.
اجا يوم سفري انا ونتاشا وطبعًا نخطط ونجهز وكانت اجازتنا طويله طبعًا انا حكيتلكم كل الي صار بحياتي ونسيت خبركم انه خلصت سنه رابعه. المهم بننطلق انا ونتاشا طبعًا اهلي لما عرفوا انه نتاشا معي انبسطو وصاروا يتصلوا عليها ويتطمنوا منها اكتر مني؛ طبعًا كانت رحله خرافيه وكلها ضحك وهبل، بس وصلنا الاردن وفي المطار استقبلونا اهلي والهبله نرجس اول ما شافتني وانا بجر الشنته وتركض اجا الدكتور الا ربع..
