مسك: ههههههه كريم يا نورس بس يلا عادي كله حكي... هيك هيك ما رح تعطيني شو بيجيك وما رح تلاقي الا كاسات هدايا وخليتهم الك ليوم ما تجهز بيتك
انا: هههههههه استني بدي اجمعهم واصير ابيع والله تجارة رابحة الوضع... بس جد اعتبريها الك الحفله
مسك: بلا جد الحلو انتم والحفله والبيت بيتكم ولسا الناس ما بعرفونا
حكيت: استني اورجيكي
بطلع لقاعة النسوان وبفصل الدي جي وخواتي بصير يصرخوا
انا : شكرًا كتير واسعدتوني بوجودكم بس حاب انوه لشغله اليوم جونا جيران جدد وبنتهم توجيهي بيت الدكتور راجح وبنته مسك ومعدلها الحمدلله 93.3 الف مبارك مرة الدكتور الك ولدكتور ولبنتك
بسحب حالي وبطلع ومسك منحرجة بس مبسوطة وصار الكل يباركلها وتعرفت ع صبايا وكونت معارف الها
وصار معي قصص حلوة شكلها دعتلي وقتها ومن دعاويها الامور تيسرت معي...
بعد باسابيع وكالعاده بلش كل الطلاب يقدم ع الجامعات الحكومي والخاص والمكرُمة و الموازي وقصص الجامعات....
كان ابوي بشوف شو في تخصصات كويسه قعدت جنبه صار يحكيلي : شوف يابا انا من زمان بدي واحد منكم يا الشباب يكون دكتور. اخوك رماد ما زبطت معه وبدي ياك انت ترفع راسي
انا : ولو يابا انا ذيبك وتكرم وتبشر بيلي بتطلبه
وفعلًا قدمنا ع كل الجامعات برا وجوا البلد المتاحة لالي وبقدر ادرس طب فيها
طبعًا ابوي بترك اللابتوب وبقوم ينام وانا بمسكه وكالعاده بفتح السوشيال ميديا واولهم الاسك بلاقي سؤال من مجهول مكتوب فيه اقبل طلب الصداقه رح تلاقيه الان مجرد ما انك تكتب اوك كجواب...
وفعلًا كتبت اوك ورحت ع الفيس ولقيت طلب منها (مسك راجح)
قبلته ودخلت صفحتها وعادي الامور.
بعد بشوي بتبعتلي رسالة بتشكرني ع الي عملته وانا بعمل اي شي لحتى اردلك الجميله
رديت عليها : بالاول كم جمعتي نقوط؟
مسك :طلعوا مع تبعون اهلي 130
انا : الي النص هاتي 65
مسك : وما كفاك يعني الي اجاك... كم جمعت
انا : بدون اهلي 200 الله كثر عمامي وخوالي نقوط محرز هههههههههه
مسك : وبدك تبعاتي يا طماع روح انت اعطيني بدي اجدد التلفون
