نتاشا: خلاص انت كلم اهلاك (اهلك) اليوم واسأل شنو احوال القريه
وفعلًا اتصلت ع اهلي بترد نرجس اختي الصغيره : اهلييييين بالدكتور نص كم..
انا: ولك يا مجنونة ما بتبطليها هالبياخه
نرجس: هههههه مو انت لساتك سنه تانيه معناها حتى تحت النص ... ولك اشتقتلك يزم شو جبتلي هدايا
انا: من اولها باين مشتاقه للهدايا
نرجس: طيب اسكت هات نتاشا احكي معها
انا: شو عرفك انها معي؟
نرجس: لانه ما بتتصل من حالك لازم تكون نرجس ذكرتك هههااي...
انا: والله انك حيوانه هاتي امي وله..
نرجس : لا تعصب يا خفيف خد امسك..
امي: هلا بالدكتور هلا بابني الغالي. اختك ولا ترد عليها دكتور وستين دكتور.
بتحكي نرجس من بعيد: لو انه ستين دكتور بكون ختيار مكحكح
برد انا عليها : امي احكيلها تنطم بشوف بكرا مين بده يعالجها ههههههه
امي: ماعليك يا قلبي منها بعده عقلها صغير ... طمني عنك شو اخبارك ... بتاكل ولا لا نصحان يمه
انا: هههههههههه يا امي الحمدلله والله مشتاقلك مو مصدق تخلص هالسنه وارجعلك حاب اشوفكم
امي: الله يصلحك يا ولد ما انت سافرت هديك المره قبل بسفرك باسبوع ما لحقنا نشبع منك.... خد ابوك بده يحكي معك..
ابوي: اه يابا كيفك شو اخبارك كيف صحتك وامورك ودراستك؟
انا: الحمدلله والله مو ناقصني الا شوفتكم يابا
ابوي: ركز يابا ع دراستك بدنا ياك ترجع بسرعه ونفرح فيك
انا : لا تقلق يابا علي قدها وقدود. بس وين اخوي رماد مش سامع صوته؟
ابوي: والله يابا ابوك طلعله شغل مستعجل وطلع من ساعه بعد ما جاب مرته وبنته .... يلا خذ خزامى بدها تحكي معك بس اهم شي يابا ما بدي اضل اوصيك دراستك وصلاتك!
انا :على خير ان شاء الله
خزامى: ازيك يا باشا عامل ايه؟
انا: هلا بالبت نعمات ههههههه كيفك يا قلبي شو اخبارك؟
خزامى: والله مشتاقين لخلقتك شو احوالمك انت وكيف نتوش؟
انا: هياتها عندي بتسلم لولاها بنساكي
خزامى :عارفتك نذل يا اخوي هههههه
انا: خزامى بعدي شوي عن الاهل بدي اسألك سؤال؟
خزامى:انا طلعت ع الغرفه من اول لانه حسيت حيكون في شي.... احكيلي مالك؟
انا: صاير شي مع مسك؟ شو اخبارها
خزامى: لساتك بتفكر فيها ياقلبي.. شو صاير لحتى اتدكرتها؟
انا : حلمت فيها انها كانت تعبانه وبتصرخ
خزامى:.....
انا: الووو .. وينك ما تحكي
خزامه: مسك خطبت
انا : شو... متى!!!!
خزامه: بعد ما سافرت بيومين طلبها ابن عمها وانخطبت.
انا انصدمت وضليت ساكت من الدهشه وكأنه ابره غزت قلبي
خزامى: ابوها عرف في يلي صار واجبروها اجبار ... حاولت تهرب وتحكي معك بس انت ما كنت ترد واستسلمت للموضوع وبيحكوا انه خطيبها واحد حقير بس اهلها ما بدهم يفسخوا بعد الي صار
انا: اوك باي
سكرت الخط وضليتني صافن عشر دقائق لحتى ضربتني نتاشا كف وصحتني... فهمتها كل شي
حكتلي شو بتستنى يلا نحجز ونسافر
