دار بينا الحكي وصرنا نتعرف وكبرت صحبتنا وصرنا ننصح بعض بالتخصصات وعلمكم شو القصص وقتها لما تكون ع ابواب الجامعه
يوم طلعت القبولات بطلع قبولي بجامعة في البلد ووحده بالجزائر... بصير الحوار بالعيله والكل نصحني انه اسافر برا اتعلم لغة والطب قوي.... الخ.
في اخر اليوم بنزل ع السوبر ماركت وبلاقي مسك بدها تدخل وكان طبعًا علمكم سهر الشباب بالسوبرماركت بمنعها تدخل وبسألها شو بدها وبشتري الاغراض.
وبعطيها ياهم بتحاول تعطيني الحساب واكيد رفضت
وصرنا نمشي ونحكي بس وصلنا عند بيوتنا
حكيتلها : صح ما خبرتك قبلوني ادرس طب بالجزائر!
بنقلبوا عيون مسك وبتتلبك وبتحكي: مبروك نورس .. مممم اسمع رح ابعتلك رقم موبايلي على الفيس لازم افهمك شغله
وبتدخل جوا ....
انا بستغرب وبحكي هالبنت يا اما مجنونة يا اما مجنونة .... بس ع الاغلب مجنونة هههههه
بدخل البيت وبتعشى مع العائله...
ابوي: يابا بكرا ذكرني اسحبلك فلوس من البنك عشان تنزل تشتري اغراض لسفرك لازم تبلش اول بأول
انا : ابشر يابا على خير
رماد: لا يابا ما تعب حالك انا بتكلف بكل شي عشان دكتورنا
امي : الله يسعدكم يا اولادي ويخليني عايشه ليوم اشوفك دكتور نورس وانت واخوك مصمودين مع عرايسكم ونفرح فيكم
اختي خزامى: اه دائمًا الدعاوي بتروح الهم.... شو ناقصنا عنهم!!!!
امي: يمه هدول شباب بتعبوا بحياتهم عشان يدرسوا ويعمروا ويتجوزوا اما انتم تدرسوا واخرتك لبيت زوجك
خزامى: طيب ادعي لنسيبك المستقبلي الله يحميه وين ما كان ههههههه.
بتضحك العيله وبنسهر واحلى مايكون. بتدكر وانا بجهز حالي لنوم انه مسك بدها شغله، بفتح الفيس وبلاقيها اون لاين....
ودغري بتبعتلي مسج : وينك من متى وانا حاكيتلك اشبك؟؟؟ (معصبه)
انا: شو مالك هدي كنت سهران مع العيله.
مسك: طيب يلا رن خد هاد رقمي 07--------
برن عليها اول مره ما بترد
تاني مره ردت فبحكيلها :ليش ما رديتي وانت الك ساعه بتصرعيني
مسك:استغربت رقم غريب وانسيت انه ماعندي رقمك. (هبله)
انا: جد بنت مصروعة احكيلي شو مالك.
مسك: اسمع انت اول حدا حكيت معه بكل هالحاره واول واحد عمللي شي يفرحني وماحدا كان حيعمل الي عملته وكنت اخ وصاحب
بس بصراحه وبدون اي كلام اتاني
انا بحبك....
-ضليتني ساكت-
مسك: سميه اعجاب، سميه حب سميه طيش، بس ... لما اشوفك بنبسط ومو متخيله انك تسافر.
