بس سمعت دكتور الا ربعت حكيت لنتاشا لا تخافي رح تنصدمي بس اوعك تصرخي...لساتها بتحكيلي ليش
ولا نرجس بتنط وحاضنيتي، جفلت نتاشا وبعدت وبس فهمت الموضوع ضحكت
انا: كيفك يا قلبي ولك اشتقتلك يا زعرونة
نرجس: مو قدي رماد صار يندوش بشغله كتير وماعاد ينزل يشتريلي من الدكانه
انا: هبل يهبلك مصلحجيه تعي اعرفك ع نتوش حبيبتك
نتاشا ضحكت: نتوش والله ما نخبرش احد يناديني هكذا
انا:نرجس هاي نتوش حبيبتك يلا سلمي
ضحكت نرجس وحضنتها واخدتها من ايدها وصارت تركض فيها لعند اهلي... طبعًا اهلي سلموا ع نتاشا وانبسطوا بشوفتها بعدين انا. وركبنا السياره وقعدت نرجس بحد نتاشا وامي، وانا وخزامى بالكرسي التالت والدي معاه سياره كبيرة بست كراسي الحمدلله....
طبعًا نرجس طول الطريق تحكي وامي تحاول تسكتها وتمزح معها ونتاشا تضحك... وصلنا البيت
وبلشوا خواتي وامي يحطوا الغدا وراحت نتاشا تساعدهم ما رضيت ترتاح
طبعًا نتاشا وخزامى صاروا يحكوا وانبسطوا وكانت نتاشا متل اخت ثالثه وبنت لامي وابوي...
ورماد طبعًا قاعد ومشغل سيجارته
ابوي: ولك شو بتسوي رماد قوم جيب مرتك وابنك يتغدوا معنا.
رماد: ييييي والله نسيت انهم بستنوا يلا هيني رايح..... يحرق حريشك دكتور نسيتنا المره والولد هههه
بطلع رماد وبجيبهم وبتعرفوا على نتاشا وبنتجمع حولين السفرة وبصير الكل بده يعلم نتاشا ع الاكل...
نطت نرجس تحكي : نتوش اسمعي.... ذس از دوالي
وذس از كوسى
طبعًا الكل محشش ع هبلها ونتاشا مبسوطه فيها فبتحكي خزامى : فضحتينا قدامها ولك مو هيك هي بتعرف عنذهم خضار زيه يا هبله مو هيك الي بشرح
نتاشا: هههههههه خلها تكمل انا احب نسماع لاطفال يتكلموا هكذا..
نرجس: شفتي كيف هي بتحبني اسكتي .... وذس از كسكس
بتضحك مرته لرماد وبتحكيلها : ياقلبي هاي اكيد بتعرفها لانه هاي الاكله التقليديه بالجزائر
نتاشا بتنبسط انه بيعرفوا شي عن الجزائر، وبنمضي القعده ضحك ومزح
تاني يوم الكل بصحى يشرب فنجان القهوة مع ابوي الي قبل الفطور
طبعًا خزامى قامت تحضر الفطور وساعدتها نتاشا شوي واجت قعدت معنا؛ ولا جرس البيت برن بقوم انا افتح الباب بلاقي لين اخت مسك الصغيرة وكل ذكرياتي بترجع وبحن لمسك وبشتاقلها
لين : عمو نورس .... مو انت بالجزائر؟
نورس : صرت عمو هههه .... انا رجعت اجازة... كبرانه لينو كيفك شو اخبارك حليانه؟
لين: هاد عشان عطلت وماعندي مدرسه اننانانا
نورس: هههه ياقلبي حكيك ما تغير يلا انبسطي بالعطله..
لين: طيب عمو بتسلم عليكم ماما واحكيلها انه هاد صحن متبل هي عملته اشتهتكم فيه..
نورس: يسلموا عمو هههههههه وسلمي ع بابا وماما واحكيلهم شكرًا..
بروح وبسكر الباب وبتركّا ع الباب وبصير افكر ( يا ترا كيف مسك شو اخبارها معقول لسا ما حبت خطيبها)
سكرت الباب وبحط صحن المتبل وبنفطر بعد ما خلصنا فطور برن تلفون ابوي..
-هلا دكتور كيفك
الدكتور راجح: الحمدلله ع سلامة نورس والله توها اجت البنت بتحكي اعطيت الصحن لنورس
ابوي: الله يسلمك. اه والله مبارح رحنا جبناه من المطار ... تفضلوا علينا!
الدكتور: ان شاء الله بنمر نسهر عندك ونتحمد بالسلامه
ابوي: والله بتنوروا وجيب العيله معك... اه وكيف صحة بنتك مسك
انا قلبي نقزني ولقيت نتاشا بتطلع علي وطيت راسي انا ودخلت نتاشا جوا ع غرقة خزامى
الدكتور راجح: والله على حالتها والله مو عارفين شو بدنا نعمل...
ابوي: الله يقومها بالسلامه يلا بنستناكم المسا ... هلا وعليكم السلام
انا بمضيها متخوف وقاعد بغرفتي وكل شوي اتطلع من الشباك ع شباك غرفتها وافكر يا ترا شو مالك يا مسك ... بيجي الليل وبرن الجرس وبيجوا اهل مسك عنا؛ طبعًا القعدة تقسمت نصين النسوان لوحدهم والزلم لوحدهم
كنت بلبس وكنت بدور ع خزامى حتى تعملي كم القميص، بدخل ع غرفة النسوان بالغلط وبتفاجأ انه مسك معهم
