ثاني يوم صحيت لقيت منها مكالمه
مابعرف شو كان شعوري لكن رجعت اتصلت عليها وهالمره ردت...
انا : مرحبا مسك
مسك : كيفك حبيبي اشتئتلك كتيييير
انا : الحمدلله
مسك : الحمدلله ع السلامه مفاااجأة كتيييير بتجنن واخيرًا رح شوفك
انا : مع مين كنتي مشغوله طول الليل
مسك : اه؟؟
انا : بحكي مع مين كنتي مشغوله؟
مسك : كنت احكي مع مي وبتعرفها بتحب تحكي كتير
انا: مي اتزوجت
مسك : كيف عرفت ؟؟؟؟
انا : ما دخلك .... لا تغيري الموضوع مع مين كنتي بتحكي
مسك : .......
انا : والله حلو ما عندك رد الامور ضايعه معك.... لما تلاقي جواب واصدقه رني.
سكرت الخط معها وكانت الامور بقلبي مثل النار لانه بهاد الكلام زادت الشكوك بقلبي.
بتدخل اختي علي حتى تصحيني للفطور وبتشوفني مقهور، بحكيلها كل الي صار...
خزامه : ليش تتصرف هيك يا نورس البنت يمكن تلبكت من صوتك، بترجع اليوم بتحكي، معهاوبتتأسف وبتمشي الامور عادي...
انا : صاحبتك ردت خبر؟
خزامه: لساتها
بنطلع نفطر والامور عادي وكان الوضع تمام...
ابوي: يابا موعدنا الجمعه عند بيت الدكتور راجح.
تطلعت ع ابوي وقلبي مفور :ان شاء الله يابا
ابوي: بتنزل بتشتريلك بدله وامك بتشوفلها شي هديه كويسه عشان ما ندخل ايدينا فاضيه ويكون شكلك عريس
ا كنت مقهور وتعبان من التفكير، و ع نار بستنى بصاحبة اختي ترد خبر
وقمت ودخلت الغرفه ولقيت في اتصال من مسك، ارجعت رنيت عليها
: كيفك مسك ما انتبهت
مسك: هلا بيبي مو مشكله كنت حابه اسمع صوتك بس الدكتور اجا.... بنحكي بس تخلص المحاضره.
بهاد الوقت ما كان عند مسك محاضره ولا شي لكن كانت تقابل الشب نفسه الي شفته معها، بهداك الوقت صاحبة اختي الي اسمها رند شافتهم سوا واخدت كم صوره بموبايلها لالهم ولحقتهم لعند كافتيريا وشافتهم كانوا قاعدين بس ما صار شي. رجعت رند للكليه واتصلت ع خزامه تسألها عن اسم البنت بالكامل لحتى تعرف شو تسأل بالكليه وفعلًا اعطتها اسم مسك راجح احمد. وبتصير تسأل عنها بتلتقي رند باختها الي برضو بنفس كلية مسك وبطلعوا سوا ع الكافتيريا...
