ငယ်ကျင့်
Girl Love fiction
********************************************
ကျွန်မ Accidentဖြစ်တဲ့ အကြောင်းကို မြနှင်းလေးနှင့် မိုးမြင့်မောင်ကို မသိစေချင်ပါ။အဲ့ကလေးလေး ကျွန်မအတွက်နှင့် စိတ်မထိခိုက်စေလို..။စိတ်မဆင်းရဲစေတာ အမှန်..။ အကိုနှင့် ဦးထွန်းသစ်ကလည်း ကျွန်မဆန္ဒကို လိုက်လျောလိုက်ပုံများ တစ်ခွန်းမှတောင် ဟ ဟန်မတူပေ။ မသိစေချင်သည့် အကြောင်းကို လုံးဝကို သိခွင့်မပေးပဲ သစ္စာရှိပြနေကြသည်။သူမလေးကတော့ ကျွန်မကို မေးသည်တဲ့...။ အကို ပြန်ပြောလို့ ကျွန်မ သိရသည်။ ပြန်လာတယ်ပြောတော့ ဘာမှ ဆက်မမေးဘူးဆိုပါ့လားကွယ်..။မင်း မမအပေါ်ဆို သိပ်လစ်လျူရှုလွန်းသည်။ ကျွန်မတွက်ဆို ပေါ့ပျက်ပျက်နိုင်လွန်းသည်။ ဒီအရာကိူလည်း ကျွန်မ ဝဋ်တစ်ခုရယ်လို့ မဆိုနိုင်ပါ။ ကောင်းသည်ဖြစ်စေ ဆိုးသည်ဖြစ်စေ သူမနှင့် ပတ်သတ်လျှင် လိုလိုလားလားကို ရှိလွန်းသည်။ကျွန်မ လိုလားသည့် ဥပေက္ခါကိုပဲ သူမက မငြီးမငြူ ပေးလိုက်ပုံများ.....။
အတူသွားပေမဲ့ ကားတစ်စင်းထဲမဟုတ်လို့ ကျွန်မကို ပျောက်သွားရသည်တဲ့..။ ကျွန်မအသက်ကျွန်မအရွယ်နှင့် လမ်းပျောက်ရမည်တဲ့လား...။လူကွဲရမည်တဲ့လား...။လူကွဲ လူပျောက်ရအောင် ဒါ ပွဲဈေးတန်းသွားတာမှ မဟုတ်ပဲ...။ ဒီအချက်လေးတွေက သူမလေး ကျွန်မအပေါ် အလေးမထားတာ သိသာလွန်းသည်။ ပေါ့ပျက်ပျက်နိုင်လွန်းသည်။ဒီအကြောင်းရင်းလေးတွေ တွေးမိပြန်တော့ စိတ်မကောင်းဖြစ်ရသည်။ ရင်ထဲ စို့ရသည်။ အင်း....နက်နက်နဲနဲကို စို့နင့်ရလွန်းပါရဲ့.....။
..................................................................................
မြို့ပြင်ရဲ့ တစ်နေရာတွင် ရှိနေသည့် အဆောက်အဦးတစ်ခု..... ။
ဝါညစ်ညစ်အရောင်နှင့် ထိုအဆောက်အဦးရဲ့ ပုံပန်းသဏ္ဍာန်ကို ကြည့်ရလျှင် 1980-90 ဝန်းကျင်လောက်က ဆောက်ထားသည့် အနေအထားဖြစ်လေသည်။ ထိုတိုက်ပျက်ကြီးဟာ အပ်ကြောင်းအချို့ ရှိနေပြီး ထိန်းသိမ်းမည့် လူသူမရှိ ပိုင်ရှင်မရှိလေတော့ ခြုံနွယ်တွ ပေါင်းပင်တွေရဲ့ ရစ်သိုင်းလွှမ်းခြုံခြင်းကို ခံနေရသည်။ပြုပြင်ခြင်းမရှိလေတော့ ထိုအဆောက်အဦးရဲ့ အက်ကြောင်းများတွင် ရေညှိ့ပါးအချို့တက်နေပြီး ထိုရေညှိပါးများဟာ ကာလကြာ၍ ခြောက်နေလေသည်။ ထိုခြောက်နေသည့် ရေညှိများဟာ နည်းနည်း မဲညစ်ညစ်တောင် ဖြစ်နေရှာပြီ...။ ရှေးဟောင်းသုတေသနလေ့လာသူတွေအတွက် အဆင်ပြေလွန်းလှသည့် နေရာတစ်ခု ဖြစ်သလို သာမန်လူတွေအတွက်တော့ အင်မတန်မှ ခြောက်ခြားဖွယ်ကောင်းနေနိုင်သည့် နေရာတစ်ခုပုံစံမျိုး ဖြစ်သည်။
