''မင်း ဘာပြောလိုက်တာလဲ ကြင်ယာတော်''
ကျွန်တော် သူပြောတာကို သိပ်မကြားလိုက်လို့ ပြန်မေးလိုက်တဲ့ အချိန်မှာပဲ...
''မင်းကြီး ထန်နိုင်ငံက သံတမန်တွေ ဝင်ခွင့်တောင်းနေပါတယ်''
''ဝင်ခွင့်ပြုလိုက်ပါ''
''မင်းကြီး...နေမကောင်းသေးဘူးလေ''
သူ့အသံ ခပ်တိုးတိုးကို ကြားလိုက်ရတော့ ကျွန်တော် ခပ်ရေးရေးလေး ပြုံးလိုက်သည်...
''တိုင်းရေးပြည်ရေးက အရေးကြီးတယ် ကြင်ယာတော်...ကိုယ်တော်လည်း သက်သာနေပါပြီ''
Jaejoong က အလိုမကျတဲ့ မျက်နှာနဲ့ နှုတ်ခမ်း မသိမသာဆူပြီး တံခါးကို မျက်နှာမူကာ ပြင်ထိုင်လိုက်သည်။
''မင်းကြီးကို ဂါရဝပြုပါတယ်''
''ထိုင်ပါ...''
''ကျွန်တော်တို့ ထန်နိုင်ငံကပါ မင်းကြီး...ကျွန်တော်တို့ မင်းကြီးက မင်းကြီး Yunho ရဲ့ မွေးနေ့အတွက် သာစေကြောင်းမာစေကြောင်း ဆုမွန်ကောင်းတောင်းထားတဲ့ သဝဏ်လွာနဲ့ အတူ လက်ဆောင် ပဏ္ဍာတွေ ဆက်သလိုက်ပါတယ်''
သံတမန်တစ်ယောက်က သူတို့အနောက်မှာ ထိုင်နေတဲ့ မိန်းကလေးတစ်ယောက်ကို အရှေ့တိုးထိုင်ခိုင်း လိုက်တော့မှ သူတို့ပြောတဲ့ လက်ဆောင်ထဲမှာ ဒီမိန်းကလေးပါပါမှန်း သိတော့သည်...သိမ်သိမ်မွေ့မွေ့ပုံစံနဲ့ လှလည်း လှသည်...
သံတမန်တွေနဲ့ စကားပြောဆိုပြီး သူတို့ ပြန်သွားအပြီးမှာတော့ Jaejoong ကပါ ပြန်ခွင့်တောင်းတော့သည်...ခပ်ရို့ရို့လေး ပြန်ထွက်သွားသော သူ့ပုံစံက ဟိတ်ဟန်မပါဘဲ ရိုးရှင်းလှသည်...မင်းတကယ် အမြဲ အဲ့လို ရိုးသား ဖြူစင်ခဲ့တာလား...ခုမှ သတိထားမိတာက...သူ...မျက်နှာလည်း မကောင်းသလိုပဲ...
xxxxxxxxxxxxxx
မင်းကြီးထံ လာဆက်သသည်ဆိုတဲ့ မိန်းကလေးကို မြင်တော့ ကျွန်တော့်အဖြစ်နဲ့ တူတာက တစ်ကြောင်း...မင်းကြီးက ကျွန်တော့်ကို အရင်လို ပြန်ဆက်ဆံမှာ စိုးရိမ်တာ တစ်ကြောင်းနဲ့ ကျွန်တော် နည်းနည်း အမူအရာပျက်သွားမိသည်...ဒါပေမဲ့ စိတ်က မင်းကြီးပေးလိုက်တဲ့ လက်စွပ်ဆီ ပြန်ရောက်သွားတော့ ကျွန်တော် ကိုယ့်နန်းဆောင်ကို ပြန်လာတဲ့ လမ်းတစ်လျှောက်လုံး ပြုံးလာမိသည်...နန်းဆောင်ခန်းထဲမှာလည်း မင်းကြီးပေးလိုက်တဲ့ လက်စွပ်လေးကို ကိုင်ကြည့်လိုက်...ညလင်းပုလဲဘေးနားမှာ လှလှပပစီခြယ်ထားတဲ့ ကျောက်လေးတွေကို ရေကြည့်လိုက်နဲ့ အလုပ်များနေသည်
''ကြင်ယာတော် စိတ်ကြည်နူးဖွယ် အကြောင်းအရာ တစ်ခုခုနဲ့ ကြုံတော်မူခဲ့တာလား''
ကျွန်တော် စာရေးဖို့ မင်အသင့်ပြင်နေတဲ့ Sookyung က လှမ်းမေးလိုက်ခြင်း...အို...ကျွန်တော့် အမူအရာတွေက အဲ့လောက်တောင် သိသာသွားပြီလား...
''မင်းကြီးက ကိုယ်တော့်ကို လက်ဆောင်တစ်ခု ချီးမြှင့်လိုက်လို့ပါ''
''မင်းကြီး ကိုယ်တိုင် ချီးမြှင့်တော်မူတာလား ကြင်ယာတော်''
ကျွန်တော် ခေါင်းငြိမ့်ပြလိုက်တော့ Sookyung က ဝမ်းသာအားရနဲ့
''ဒါဆို မင်းကြီးက အရှင့်ကို အတော်မြတ်နိုးတော်မူတယ် ထင်တယ်...ပုံမှန်ဆို ရတနာဘူးကို ကုန်းကုန်းလက်ထဲ ထားပြီး ကုန်းကုန်းက တစ်ဆင့် နန်းဆောင်တွေဆီ လိုက်ပေးသနားတာ''
