''Jae...''
''အမလေး...''
တဖက်လှည့်နေတဲ့သူ့ကို နောက်ကနေ ရုတ်တရက် ပွေ့ဖက်လိုက်တာကြောင့် သူလန့်ပြီး အော်လိုက်တော့ ကျွန်တော် ဟက်ဟက်ပက်ပက် ရယ်လိုက်မိသည်။ ဆက်ပြီး သူ့လည်တိုင် ဖွေးဖွေးလေးကို ခပ်ဖွဖွနမ်းနေမိတော့...
''ဖယ်ဦး။ ဒီမှာ သားတော်လေးကို နွားနို့တိုက်မလို့''
''ဟမ်...ခုနကပဲ နို့ထိန်းတစ်ယောက် အဆောင်တော်ထဲက ထွက်သွားတာ မဟုတ်လား''
Jaejoong က သားသားကို မွေးခဲ့တာမှန်ပေမယ့် နို့တိုက်ဖို့ကျ မဖြစ်နိုင်တော့ နို့ထိန်းတွေကို အလှည့်ကျ နို့တိုက်ခိုင်းရသည်လေ...ခုသားသား အသက်ခုနှစ်လကျော်လာတော့ နွားနို့တို့လိုဖြည့်စွက်အစာတွေပါ ကျွေးလာရသည်။
''ဟုတ်တယ်လေ...ဒါပေမဲ့ မင်းကြီးရဲ့သားတော်က အဲ့လောက်လေးနဲ့ ဗိုက်မဝသေးဘူး...ခဏနေရင် အော်ငိုတော့မှာ...ခုကတည်းက သူဗိုက်ပြည့်အောင် တိုက်ထားမှ''
သားတော်လေးကို ချီထားရင်း ပန်းကန်လုံးလေးထဲက နွားနို့ကို ဇွန်းသေးသေးလေးနဲ့ ခပ်ခပ်တိုက်နေသော Jae ကို ကြည့်ရင်း ကျွန်တော် ကြင်နာစွာ ပြုံးလိုက်မိသည်...ဘုရားသခင်က ကျွန်တော့်ကို အတော်မြတ်နိုးပုံရသည်...ဘာလို့ဆိုတော့ ရုပ်ရည်ချောမောပြီး ဖြူစင်လှတဲ့ နတ်သားလေးတစ်ပါးအပြင် ချစ်စဖွယ်သားတော်လေးကိုပါ လက်ဆောင်ပေးခဲ့သည်လေ...
''ဒီကောင်လေးကတော့လေ...ကိုယ်ရောမင်းရော အဲ့ဒီလောက် အစားမမက်ပဲ သူ့ကျမှ ဘာလို့ အရမ်းစားနိုင်တာလဲမသိ...မင်းလူသေးသလောက် အစာအိမ်ကျယ်တယ်လား ဟင်''
ကျွန်တော် ပြောလည်းပြော သားတော်လေးကိုလည်း ကလိလှမ်းထိုးတော့ သားသားက သဘောကျစွာ တခစ်ခစ်ရယ်မောရင်း လူးလွန့်နေတော့သည်။ ဒါပေမဲ့ နောက်က Jaejoong ရဲ့ လက်သီးဆုပ်က ကျောပေါ် ကျရောက်လာတော့ ကျွန်တော် ထအော်မိလိုက်သည်။
''Jae...''
''ဖယ်တော့...သားသား သီးသွားဦးမယ်''
''မျက်နှာလိုက်လိုက်တာ...သူ့သားကျတော့''
xxxxxxxxxxxxxxxxx
*Flashback*
Jaejoong ကိုယ်ဝန်ပျက်ကျပြီး နောက်တစ်နေ့မနက်မှာ သူ့နန်းဆောင်ဘက် ကျွန်တော်သွားခဲ့တော့ သူ့အခြေအနေက ပိုဆိုးလာသည်...ဗိုက်အရမ်းနာလို့တဲ့...ချွေးစီးတွေ ပြန်ပြီး ညည်းညူသံလေးတွေ ထွက်နေတဲ့ သူ့ကို ကြည့်ရင်း ကျွန်တော် ခြေမကိုင်မိ လက်မကိုင်မိ ဖြစ်လာသည်...ဟူး...ကျွန်တော်တို့ နိုင်ငံ ဆေးပညာမှာ အဲ့လောက်တောင် ခေတ်နောက်ကျနေပြီလား...အဲ့ဒီအချိန်မှာပင် ကုန်းကုန်းက
''မင်းကြီး...အနောက်နိုင်ငံက သံတမန်တွေ တွေ့ခွင့်တောင်းနေပါတယ်''
''Hongdae...ဒီလို အခြေအနေမျိုးမှာ ကိုယ်တော် ဘယ်ကိစ္စကိုမှ မဆွေးနွေးနိုင်သေးဘူး''
''မင်းကြီး...အနောက်နိုင်ငံဆိုတာ ဆေးပညာမှာရော အတွေးအခေါ်ပိုင်းမှာပါ အလွန် ထက်မြက်တာပါ...ဒီက သမားတော်ကြီးတွေ ကြင်ယာတော့်ရောဂါကို မကုသနိုင်ပေမယ့် သူတို့မှာ အကြံဥာဏ်ကောင်းရှိနိုင်ပါတယ်''
...ဟုတ်သားပဲ ကျွန်တော် ဘာလို့ အဲ့ဒါကို မတွေးခဲ့မိပါလိမ့်...သူတို့က ကျွန်တော်တို့ တိုင်းပြည်မှာ ဆေးပညာပိုင်းတွေ သာသနာပြုရေးတွေ ထွန်းကားအောင် လုပ်ပေးမယ်လို့ ပြောခဲ့တာပဲ...
''ဒါဆို မြန်မြန် ဆင့်ခေါ်လိုက်ပါ မောင်မင်း''
