''မင်းကြီးကို ဂါရဝပြုပါတယ်''
နန်းဆောင်တံခါးဝအထိ ရောက်လာပြီး ခေါင်းလေးညွတ်ကာ ကျွန်တော့်ကို ကြိုနေတဲ့ Jae ကို ပြုံးပြပြီး သက်တောင့်သက်သာ ဖြစ်အောင် ထိုင်ခိုင်းလိုက်သည်။
''ညီလာခံမတက်ခင် မင်းမျက်နှာလေး မြင်ချင်လို့ လာခဲ့တာ''
ကျွန်တော့်စကားကြောင့် သူက ကျွန်တော့်အနား တိုးထိုင်လိုက်သည်...မီးဖွားဖို့ လပိုင်းလေးသာ လိုတော့သည့် သူ့ဗိုက်လေးကို ပွတ်ပေးရင်း...
''သမီးတော်လေး...မယ်တော့်ကို အိပ်လို့ မရအောင် မကန်နဲ့နော်။ လိမ်လိမ်မာမာနေ''
''Yunnie ကလည်း...ဘာမယ်တော်လဲ...ခမည်းတော်ပါ''
''Jae ကလည်း...ယောကျာ်းဖြစ်ဖြစ် မိန်းမဖြစ်ဖြစ်...ကိုယ်ဝန်ဆောင်ရမှတော့ မယ်တော်ပဲပေါ့နော့်...ဟုတ်တယ်နော် သမီးတော်လေး''
ကျွန်တော် ပြောလိုက်တဲ့ အချိန်မှာပဲ Jae ဗိုက်ထဲက လှုပ်ရှားမှုတစ်ခု ဖြစ်သွားသည်ကို ခံစားလိုက်ရသည်။
''Yunnie...အထဲက...ကန်နေပြီ''
''တွေ့လား Joongie...သမီးတော်လေးကတောင် ထောက်ခံနေပြီ...မင်းက မယ်တော်ပဲတဲ့''
နှုတ်ခမ်းစူပြီး တစ်ဖက်လှည့်သွားတဲ့ Jae ကို ကြည့်ပြီး ကျွန်တော် သဘောကျစွာ ရယ်လိုက်မိသည်။ ရှင်ဘုရင်တစ်ပါးအတွက် သားတော်ဆိုတာ အရေးပါပေမယ့် သမီးတော်လေး လိုချင်တယ်ဆိုတဲ့ Jae ကြောင့် ကျွန်တော် ကိုယ်တိုင်လည်း သူ့ဗိုက်ထဲက ရင်သွေးလေးကို သမီးတော်လေးလို့သာ သုံးနှုန်းဖြစ်သည်လေ...
''ဒါနဲ့ အားဆေးရည် လာဆက်သွားပြီလား Joongie''
''ဆက်သသွားပြီးပါပြီ...''
Jae က စားပွဲပေါ် တင်ထားတဲ့ အဖုံးအုပ်ထားသည့် ခွက်လေးကို ညွှန်ပြရင်း ဖြေသည်။
''သောက်ရော သောက်ပြီးရဲ့လား''
''မသောက်ရသေးပါဘူး...ကျွန်တော် သိပ်မသောက်ချင်ဘူး ဖြစ်နေလို့''
''သောက်လိုက်ပါ Jae ရယ်...ကိုတို့ ရင်သွေးလေး အတွက်ပဲကို...''
ကျွန်တော် အားဆေးရည် ထည့်ထားသည့် ကြွေခွက်လေးကို ယူကာ အရည်ကို ဇွန်းဖြင့် နည်းနည်းခပ်ပြီး သူ့ပါးစပ်နားတေ့ပေးလိုက်တော့ Jae က မသောက်ချင်သောက်ချင်နဲ့ပဲ အားဆေးရည်ကို သောက်လိုက်သည်...ကျွန်တော် ဆေးတစ်ဇွန်းတိုက်တိုင်း သူ့မျက်နှာလေးက တစ်ခါ ရှုံ့မဲ့သွားသည်...ဆေးက အလွန်ခါးလို့ပဲလားမသိ...
''အရမ်းခါးလို့လား Jae''
ခေါင်းငြိမ့်ပြတဲ့ သူ့ကို ဆံစလေးတွေ သပ်ပေးရင်း...
''ဆေးကောင်းရင် ခါးတတ်တယ်တဲ့...ခဏနေရင် စားစရာအချို တစ်ခုခု စားလိုက်လေနော်...ကိုယ်တော် ညီလာခံ ကြွဦးမယ်...အနောက်နိုင်ငံက သံတမန်တွေ လာမှာဆိုတော့ အရေးကြီးလို့''
''ညီလာခံပြီးလို့ အရမ်းပင်ပန်းရင် အနားယူဦးနော်...ကျွန်တော့်ဆီ တန်းမလာလည်း ရပါတယ်''
...သြော်...သိတတ်လိုက်တဲ့ Joongie...ဒါပေမဲ့ ကိုက မင်းမျက်နှာလေး မြင်မှ အမောပြေတာလေ...အဲ့ဒါကြောင့်လည်း ညီလာခံကို အားအင်အပြည့်နဲ့ လန်းလန်းဆန်းဆန်း သွားနိုင်အောင် မင်းကို အရင်လာတွေ့တာပေါ့...
