"Tara na, dali!" Sabi ko habang hinihigit ko si Junhoe papunta sa dagat.
Pangalawang araw na namin dito at hindi pa rin kami nakakapag-swimming ni Junhoe. Ako, oo. Si Junhoe, hindi pa.
"Takte, chill ka lang! Hindi ako marunong lumangoy!" Sabi niya.
"Hindi naman tayo pupunta sa malalim eh! Dito lang tayo oh!" Sabi ko sa kanya.
"Punta na kayo dito, bilis!" Sabi ko sa iba pa.
"'Wag kang lalayo. Hindi ako marunong lumangoy!" Sabi ni Junhoe sa 'kin. Nagthumbs up lang ako sa kanya. Hindi rin naman ako marunong lumangoy, slight lang. Feeling marunong, ganun.
"Hanbin!" Tawag ko sa kanya.
"Bakit ba tinatawag mo pa si BI-hyung eh nandito naman ako?" Sabi ni Junhoe. Sinabuyan ko siya ng tubig sa mukha.
"Tse! Daming alam!" Sabi ko at nagsimula na akong lumangoy. Naramdaman ko naman na may gumagalaw sa gilid ko kaya tiningnan ko yun at nakita ko si Bobby at BI na lumalangoy. Kumaway sa 'kin si Bobby kaya kumaway ako pabalik.
"Hoy Allison! Ang layo mo na! Bumalik ka dito!" Sigaw ni Junhoe.
"Pumunta ka dito, bilis!" Sabi ko.
"Sira ba tuktok mo? Hindi nga ako marunong lumangoy eh!" Sabi niya.
"Sorry na!" Sabi ko at lumangoy pabalik sa kanya.
"Tara kasi dun! Tingnan mo sina Hanbin, ang layo na ng narating!" Sabi ko sa kanya.
"Edi dun ka kina-Hanbin!" Sabi niya.
"Sus!" Sabi ko at inirapan ko siya. Arte pa, eh.
"Jinhwan! Tulungan mo ako, dalhin natin si Junhoe sa malalim." Sabi ko kay Jinhwan nung magpunta sya sa dagat.
"Tara dali!"
"Junhoe!" Tawag sa kanya ni Jinhwan. Agad namin siyang hinigit habang si Junhoe ay panay lang ang padyak.
"Matututo ka nyan, ka-aarte mo." Sabi ko sa kanya. Inirapan lang nya ako.
"Arte oh, may tali humawak ka." Sabi ni Jinhwan nung makarating kami kung nasan sina BI.
"Kapag ako nalunod!" Sabi ni Junhoe.
"Adik mo, tatlo silang marunong lumangoy oh." Sabi ko.
"Ikaw?" Tanong niya. Nagpeace lang ako sa kanya. Nagfi-feeling lang naman ako eh.
"Ang lakas ng loob mo, hindi ka naman pala marunong." Sabi niya at umirap.
"Syempre ganun talaga." Sagot ko sa kanya. Lumapit naman sya sa 'kin, syempre hindi sya nabitaw dun sa tali, tapos bigla niyang hinawakan ang kamay ko.
"Hoy kayong dalawa, nasa malalim na kayo magka-holding hands pa kayo? At aba ha, parehas kayong hindi marunong lumangoy!" Sabi ni Hanbin. Inirapan ko na lang siya.
"Holding hands kayo ni Bobby-hyung kung gusto mo." Sabi ni Junhoe at nagtawanan kami.
"Oo nga. Bitter ka lang eh. Hayaan mo na, mayaman ka naman." Sabi ko sa kanya.
"Hindi! Tama na! Wala na akong ililibre!" Sabi niya. Napa-iling na lang ako at humawak dun sa tali.
"Takte, bakit ba kasi hindi ako marunong lumangoy." Bulong ni Junhoe. Pero naririnig ko, so hindi sya bulong.
"Aba, malay ko." Sagot ko sa kanya.
"Hindi naman ikaw ang tinatanong ko." Sabi niya.
"Hindi ba? Akala ko ako eh." Sabi ko at tumawa.
