Nakita ko ang inyong mga pagkakamali
Pati na ang mga pagsisising walang 'sing tindi
Ang paraan ng inyong pag papalaki
Ay di ko gusto at ito'y di ko itatanggi
Kapag ako'y nagkaron ng sariling mga anak
Gagawin ang lahat upang di magkawatak watak
Di mag aalangan, Ipagkakaloob ang buong pagtitiwala ko
Upang hindi nila maranasan ang pighating katulad nito
Papayagan ko silang gawin ang anumang gusto nila,
Sila'y may sariling kalayaan, hindi na ako aapila
Paggabay lamang ang tanging maibibigay ko
Pati na rin ang samu't saring mga payo
Hindi ko sila ikukulong sa hawlang gawa ko
Sapagkat alam ko kung anong pakiramdam nito,
Ang di maka galaw kahit pa gusto mo
At lahat ng kilos mo'y pawang kalkulado
Hahayaan silang gumalaw ng gumalaw
Dahil sila rin ay mayroong sariling mga pananaw
Ni hindi ko hawak ang kanilang mga buhay
Upang ipagkait ang kanilang kaligayahang tunay
Hindi ko kayo gagayahin, kung yan ang iniisip ninyo
Maling desisyon ninyo ay hindi nakaeengganyo
Isa kayong halimbawa na kailan ma'y di dapat tularan
Wag isiping yapak niyo'y susundan, hindi kayo isang huwaran
Written: January 2016
