Aking napagalaman, mula sa isang kaibigan
Ikaw pala'y namuhi sa aking mga kagagawan?
Ah, sino nga namang matutuwa? Ika'y tila pinagtaksilan
Lahat sila'y nainis sa aking ginawang kapangahasan
Patawad, mahal, hindi ko sinasadya
Na hindi pansinin ang bawat luhang nagbabadya
Nasaktan ng lubusan, puso'y nagalusan
Lahat ng ito'y bunga ng aking kaguluhan
Sana nama'y muling intindihin
At mga pagsamo ko'y iyo nawang dinggin
Ako pa ri'y nandirito, umiibig at nananalangin
Na sana'y may puwang pa, huwag tuluyang limutin
Nakalimutan mo na ba kung paano tayo naging masaya?
Noong mga panahong tayo ay magkasamang dal'wa
Ang sarap balikan ng mga bawat alaala
Sa saya at lungkot tayo ay nagsama
Ngunit ang buhay nga naman ay hindi tulad ng nasa libro
Mayroong awayan, di pagkakaintindihan at gulo
Written: December 2015
