Bite

kabanata 2

Bago pa man kami lumabas ng bahay, tinignan muna akong mabuti ni Queen Belle: mula sa suot kong cute na beanie hat na with ears pa, face mask na kulay black, white t-shirt, jacket, black pants at sneakers.

"Amber, ikaw nanaman ba ang nagbihis sa kapatid mo?" tanong bigla ng reyna sa kapatid kong pinaninindigan talaga ang pagiging goth. Nakasuot pa siya ng black t-shirt na may nakasulat na 'Talk to me and you're dead'. Pero hindi pa namamatay ang reyna kaya hindi ako naniniwala sa naka-imprenta sa t-shirt na. Char lang yun.

Napa-eyeroll nalang si Amber. "Yes." sagot niya. "And please, huwag niyong sabihing masyadong cute tignan si Baekhyun, kasi wala na tayong magagawa doon, Ma." napa-irap pa ito at tinignan nalang siya ng masama ni Queen Belle.

"Ayoko lang naman na pagtitinginan siya ng mga tao doon." dahilan niya. "Pero never mind. Let's just go at baka mahuli pa tayo. Nakakahiya sa mga dukes."

Nang nauna nang pumunta si Queen Belle sa sasakyan niyang kotse, tumabi sakin si Amber saka bumulong ng, "Kung hindi lang reyna si Mommy, iisipin ko talagang naiinsecure siya sayo." binigyan pa niya ng masamang tingin ang likod ng nanay niya bago tumingin ulit sakin. Jusko. Bakit ba sobrang kapal ng eyeliner ng babaitang to?

"Insecure? Sakin?" gulat naman na tanong ko. "Hoy. Imposible yan. Issue ka."

Naglakad kami papunta sa kotse namin at pinagbuksan naman kami ng pinto ng isang naming body guard. "Totoo nga," sabi ni Amber habang tumatango-tango. "Eh kasi nga diba, vain si Mommy. Gusto niya siya lang ang maganda."

"Eh maganda naman talaga si Queen Belle." sabi ko. Hindi naman ako nagsisinungaling doon. Para ngang hindi siya tumatanda. Maraming nagsasabi na parang halos ka-edad niya lang kami ni Amber. "Kaya nga hanggang ngayon, marami siyang manliligaw diba?"

Napakunot noo si Amber. "Alam mo ba, may kwento ako pero huwag kang maingay." bulong niya at tumango naman ako saka umisod para mas lumapit ako sakanya. "Last month kasi," simula ni Amber habang nakatingin ng maigi sakin, medyo nanlalaki pa yung mga mata niya. "Magjo-jogging sana ako so I have to ask for Mom's consent first. Naglalakad ako papunta sa kuwarto niya nang biglang may lumabas na matandang babae from her room!"

"Matandang babae?" tanong ko. "Baka naman si Manang Beng-beng lang yun."

"Hindi!" dahilan ni Amber saka umirap. "Kilala ko naman si Manang Beng-beng no. Super creepy nung matandang nakita ko, Baek. As in. Nakasuot siya ng black cape and with matching wooden cane pa. Alam mo yung ganung aura? Parang mangkukulam ang dating."

"Baka naman naka-drugs ka lang, Em?"