Bite

kabanata 18

Marami akong nalaman tungkol kay Park Chanyeol sa mga ilang oras na magkasama kami. Tulad ng mga kwento niya sa buhay, big deal man o hindi. Gabi na nang bumalik kami sa daan pauwi at pakiramdam ko, mas naging malapit ako sakanya.

Ngayon, positive na positive na akong siya talaga ang ka-red string ko. Pero dahil hindi naman kami Hapon, never mind nalang.

Rinig na rinig ko na ang isa na namang kanta ng Girls Generation habang papalapit kami sa bahay. Nang itigil ni Chanyeol ang scooter sa may paanan ng hagdan, nagsisigawan sila sa loob pero hindi yung galit na sigawan. Parang naglalaro nanaman ata sila.

"Twerk it! Twerk it!"

Nagkatinginan kami ni Chanyeol. "Ano raw?" tanong ko sabay tanggal ng helmet at mask. Tinago naman niya ang mga ito sa may compartment ng scooter.

Nag-shrug lang siya. "Ewan." Kinuha niya yung kamay ko. "Let's see what's up."

Nang marating namin yung glass door, nakita namin yung pito na nakaupo sa carpet, naglalaro ng Spin the Bottle. Nakatayo ngayon si Jimin sa gitna habang inis na inis yung mukha. "Truth nalang! Ayoko na ng dare!" sigaw niya.

"Touch move na yun!" sigaw naman sakanya ni Suga. "Wala nang balikan."

"Sht." mura ni Jimin. "Bakit ba kasi twerk pa?!"

"Eh bat ka nagrereklamo?" inis na tanong naman ni Jungkook.

Base sa nakikita namin, mukhang okay na silang lahat. Napangiti naman ako at nang buksan ko yung glass door, sabay-sabay silang napatingin samin. Kung akala ko awkward na naman, mukhang mali ako.

"Eyyy!" masayang bati ni Jungkook. "How's your date?"

"Asan yung pasalubong namin?" tanong naman ni Jimin sabay taas ng isang kilay.

"Mag-twerk ka muna."

"Pusang gala kayo." inis na sabi ni Jimin. "FINE!" Sinimulan na niyang mag-twerk for thirty seconds at ibig sabihin ay thirty seconds din yun na puro tawa lang. Nang matapos na siya ay namumula siyang bumalik sa pwesto niya sa sahig.

"Isa pa! Isa pa!"