Bite

kabanata 23

"Nakakahalata na ako ah. Iniiwasan mo ba ako, Baekhyun?"

Napagitla ako mula sa pagkakaupo sa harapan ng bahay nang biglang tumabi sakin si Amber. Suot niya ang isang lumang t-shirt, baggy shorts, at medyas na mukhang nakuha niya lang sa kung saan. Naka-all-black nanaman siya at mukhang kahit saan pa siya mapunta, hindi niya iiwan yung ganung identity. Kahit maubusan pa siya ng damit.

Pero ewan ko ba. Simula nung 'hallucination' kuno na nangyari sakin noong isang araw, medyo natatakot na akong lumapit sakanya. Hindi niyo ako masisisi. Sobrang creepy talaga nung nangyari. Ni hindi maalis sa isip ko.

Dahan-dahan akong umisod palayo.

"You're doing it again." medyo inis na sabi niya. "What did I do to you? Ano to? Si Chanyeol lang gusto mo, ganon?"

"It's not that," pabulong na sabi ko habang hindi nakatingin sakanya. "It's just..." Pero wala talaga akong balak ituloy yung sasabihin ko. Kahit sakin, I sound weird. Ano yun diba? Dalawang Amber? Pwede ba yun?

Umisod palapit sakin si Amber. "Ano nga?" tanong niya. "Dali na. Sabihin mo na yung problema. I promise I won't tell anyone."

Dahil doon, dahan-dahan akong napatingin sa kapatid ko. Wala siyang suot na eyeliner at sobrang tino niyang tignan ngayon. Parang normal na tao lang. Ibang-iba sa 'Amber' na nakita ko sa may puno. "Wala." pagsisinungaling ko. "Wala naman."

Agad akong nakaramdam ng mahinang suntok sa balikat. "Now you're lying." inis na sabi ni Amber. "Una, iniiwasan mo ako. Ngayon naman, nagsisinungaling ka na. Baek! Hello? I'm your sister!"

Tinaasan ko siya ng kilay. "Kapag ba sasabihin ko, maniniwala ka?"

"Hmp." nagtaas din siya ng kilay. "Try me."

Huminga ako ng malalim. Ano nga bang kinakatakot ko? Amber is my sister. Hindi dapat ako naglilihim sakanya. At mali na nagsinungaling pa ako noong una. Mali na pinag-iisipan ko pa ito ngayon.

"Noong umalis si Chanyeol..."

"Ah. So it's about him again?" singit niya.

Tinignan ko siya ng masama. "Patatapusin mo ako o patatapusin mo ako?"