عذابُ الحُب

الجيران الجدد

"ينعتـون الامـرأة بالمخلـوق الاعـوج وهـم علـى اعوجـاج خصـرها يتقاتلـون😏"

By : kutufha_d4

....
|| عائشـة 🌸 ||

"مامااااااااا"
اجابتنـي امـي بحـدة "وجع ان شاء الله وجع"
"وينج؟؟"
"هياااتني بالمطبخ"
دخلـت الـى المطبـخ الخـاص بمنزلنـا قلـت لأمـي وانـا ارأهـا تعمـل وتذهـب هنـا وهنـاك "شمسوية غدة؟؟"
"اي هذا الشاطرة بي بس شمسوية غدة تعاي نضفي غسلي مواعين يعني الله واكبر صار عمرج 13 سنة وكلشي متعرفييين"
اعـدت سؤالـي متجاهلـة كلامهـا "شمسوية غدة؟؟"
"ولي عابت ع هالچهرة وخفت روحي بدلي ملابسج خل اسويلكم زقنبوت يلا ولي"
اتجهـت ناحيـة السلـم لكـي اذهـب الـى غرفتـي نعـم هـذه هـي أمـي تنزعـج لاننـا انـا واختـي لـا نساعدهـا بعمـل المنـزل وتقـول جملـة الامهـات الشهيـرة "اي هذا الفالحات بي اكل ونوم بس"
غيـرت ملابـسي المدرسيـة الـى ملابـس منـزل اعتياديـة خرجـت مـن غرفتـي وانـا اصـرخ "زنووووب ثوووولة وينج؟؟"
وصلنـي صوتهـا وهـي تمـد رأسهـا مـن سـور السلـم للطابـق الثالـث "وجع شتريدين؟؟"
"وين الايباد؟؟"
"بالغرفة مال بابا وماما"
"اوووك"
ذهبـت الـى غرفـة نـوم أمـي وأبـي كـان الايبـاد موصـول بالشحـن فصلتـه عـن الشاحـن ورميـت نفسـي علـى السريـر بتعـب وبـدأت اتصفـح بـه وادخـل مـن موقـع لأخـر ومـن برنامـج لأخـر بعـد نصـف ساعـة سمعـت ضجـيج فـي الخـارج ذهبـت الـى الشرفـة الخاصـة بغرفـة أمـي وأبـي ابعـدت الستـارة ونظـرت عبـر بـاب الشرفـة كـانت هنـاك سيـارة كبيـرة محملـة بالاغـراض واقفـة امـام ذلـك المنـزل الـذي يكـون مقابـل لمنزلنـا وعامليـن ينزلـون تلـك الاغـراض وهنـاك شـاب طويـل جـداً وذو جسـد مليـئ بالعضـلات وكـان يقـف علـى رأسهـم ويحـرك يـديه فـي الهـواء ليقـول لهـم ايـن يدخلوهـا...!!
ابتسمـت ابتسامـة عريضـة "يممة فديتت الطول😂😂"

By : kutufha_d4

ذهبـت رأكضـة الـى الاسفـل وانـا انـزل السـلم بسرعـة توجهـت الـى المطبـخ ولكـن اوقفنـي صوتـه القاسـي "وين رايحة ركض نفس الحمار؟؟"
التفـت اليـه بضيـق وقـوة وقلـت مـن غيـر نفـس "هلا بابا خير شرايد؟؟"
صفعنـي بقـوة لدرجـة أحسسـت بـأن طعـم الدمـاء فـي فمـي فعـرفت ان فمـي جـرح اصبـح يـذرف الدمـاء بسـبب صفعتـه صـرخ "من اسالج جاوبي بأدب والله انتي بنية عاار وعوجة مثل امج"
"اي بابا اني عار عليك وعوجة رايد شي؟؟"
صفعنـي مـرة أخـرى وبقـوة اكبـر "كللبة هالمرة بس راشديات مرة الثانية اشوفج شي عمرج مشايفتة"
هـم بصعـود السلـم ولكننـي قلـت بتلقائيـة وسخريـة "هـه ليش اكو شي بعدك مسويتة استاذ خليل"
صـرخ بغضـب "اليوم ارتكب بيج جريمة"
تجاهلتـه وانـا اعطيـه ظهـري وكالعـادة اتـت امـي علـى صراخـة مهرولـة وتقـف امامـي "لا ع بختك عيني ابو حسن البنية جسمها مورم من ورة الضرب ليش بس وياها هيج اني مشايفة اب يكره بنتة هلكد"
اغمضـت عينـي وانـا اقـول بنفسـي "يا ماما هاي جملتج الاخيرة اذتني اكثر من كل الضرب الي ماخذتة هـه الله يرحم بحالي"
فتحـت عينـي وانـا املئهـا بالثقـة واطلقـت صفيـر مزعـج مـن فمـي واتجهـت الـى السلـم وانـا اقـول بقـوة "ماما ما اريد اتغدة لان لعبت نفسي من شفت شخص"
واتجهـت الـى غرفتـي الصغيـرة متجاهلـة صرخـات أبـي الغاضبـة اغلقـت بابهـا بالمفتـاح بعـد ان دخلـت اليهـا...!!