Salam hər kəsə ! Necəsiniz ? Əvvəlcə onu soruşmalıyam ki , "Araza qədər" adlanan yeni kitabımı kitabxananıza əlavə etmisinizmi ? Etməmisinizsə , profilimdə əziz və sadiq oxucular tərəfindən oxunmağı səbirsizliklə gözlədiyini deməliyəm. Kitab sistemləşdirilib və hər həftənin şənbə günü yeni bölüm gələcək. Bölümdən bəhs etmişkən , sistemləşdirmək işini bu kitaba da tətbiq etdim və sizə hər bazar günü yeni bölüm əlavə olunacağı xəbərini sevinclə verirəm. İndi isə sizi kinomanlarla təhvil verirəm , xoş oxumalar! Növbəti həftənin bazar günü görüşənədək.
Vətən:
- Aktyor heyəti.
Elçin :
- Çəkiliş heyəti.
Mən :
- Montaj.
Əhməd :
- Maliyyə.
Vətən :
- Paltarlar.
Elçin :
- Çəkiliş əraziləri.
Mən :
- Qrim.
Əhməd :
- Maliyyə.
Elçin :
- Səsyazma studiyası.
Vətən :
- Musiqi siyahısı.
Mən :
- Çəkiliş dekorları.
Əhməd :
- Maliyyə.
- Daha nə qədər maliyyə deyəcəksiniz görəsən ? – Vətənin ssenarini əlimdən almağa çalışarkən üzündəki ifadə ilə halhazırda Əhmədə baxan üz eyni idi.
- Pulsuz bu dediklərinizin heç birin edə bilməyəcəyinizi nə vaxt başa düşəcəksiniz görəsən ?
- Universitetimizdəki sosial bazadan istifadə edərək bir çox işləri könüllü həyata keçirməyə çalışacağıq , Əhməd. – Elçin səbrlə artıq neçənci dəfədir ki , eyni cümləni təkrar edirdi.
- Qısametrajlı filmə nə qədər maliyyə lazım ola bilər ki ? – mən də bu cümləni təkrarlayıb dururdum.
- İndiyə kimi heç hansısa filmin büdcəsi ilə maraqlanmısız ? – Əhməd kepkasını arxaya doğru fırladıb soruşdu.
YOU ARE READING
1,2,3 ! Başla!
HumorEyni universitetin 4 fərqli fakültəsində oxuyan Əhməd , Vətən , Nazənin və Elçinin yolları təsadüfi və planlanmış cəhdlərlə kəsişir. Nə bir tanışlığa , nə də ortaq cəhətlərə malik olmayan bu gənclərin qarşısında duran tək məqsəd - kino çəkməkdir. İş...
