Akala ko, hanggang dito na lang
Akala ko ito na ang simula ng katapusan
Napagtanto kong ako'y nasa gitna pa lang
Sa gitna ng mahabang pakikipagsapalaran
Walang katapusang pagsubok sa buhay
Paulit-ulit ko nang naranasan ang mamatay
Nang dahil sa pag-ibig na akala ko'y sa'kin
Inakala kong magdadala sa'kin ng araw, buwan, at mga bituin
Ngunit tila naiwan na ako sa ulap
Naiwan sa ere, at ngayo'y naghihirap
Biglang nawala sa isang iglap
Naglaho lahat pati mga pangarap
Sa aking pagbaba, nais kong mag-aral
Hindi lang kung pa'no magmahal
Pati na rin sana ang pagsusugal
Pagsugal sa bagay na 'di naman natin tiyak kung hanggang kailan tatagal
Hindi ko alam kung paano at kailan
Maghihintay na lang ng tamang dahilan
Kung sakaling 'di ko man matutunan
Hahayaan ko na lang na ako'y matauhan
Habang dala mo akong muli sa taas
Habang ako'y puno ng pagasa
At 'pag nakarating na tayo sa wakas
Iiwan mo akong muling nag-iisa
BINABASA MO ANG
BAYBAYIN
Poetry[KOLEKSYON NG MGA PANULAANG TAGALOG] Kathang naglalaman ng mga bagay na hindi masambit ng bibig. Maaaring tungkol sa maraming bagay ngunit hindi mabubuo kung walang pag-ibig. Mga tulang ginawa upang isaad mga natatagong damdamin. Basahin, kilalanin...
