BINABASA MO ANG

BAYBAYIN

Poetry

[KOLEKSYON NG MGA PANULAANG TAGALOG] Kathang naglalaman ng mga bagay na hindi masambit ng bibig. Maaaring tungkol sa maraming bagay ngunit hindi mabubuo kung walang pag-ibig. Mga tulang ginawa upang isaad mga natatagong damdamin. Basahin, kilalanin...

#advice #baybayin #bigo #brokenhearted #damdamin #emotions #filipino #hopia #katha #love #nonfiction #nonfictional #pagibig #poem #poembook #poet #poetic #poetry #poetrycollection #salita #sawi #tagalog #tula #umaasa

BAYBAYIN S

128 6 0

ni syparacosmic

ni syparacosmic

‪Sisimulan ko sa pagsulat‬
‪Katagang 'di masambit‬
‪'Pag nagsimula ka nang mamulat‬
‪Kasalanan na ang pumikit‬

‪Nangakong magiging tapat‬
‪Sinabing 'di mangungupit‬
‪Pagsisilbihan daw tayong lahat‬
‪Walang paratang na igigiit‬

‪Alam naman ang nararapat‬
‪Pero mali ang pinipilit‬
‪'Pag nagsimula ka nang mamulat‬
‪Parang kasalanan na ang pumikit‬

‪Pandemya'y patuloy kumakalat‬
‪Libu-libo ang nagkakasakit‬
‪Maraming pera ngunit salat‬
‪Utang na abot hanggang langit‬

‪Hindi na nakagugulat‬
‪Parati na lamang nakagagalit‬
‪'Pag nagsimula ka nang mamulat‬
‪Mistulang kasalanan na ang pumikit‬

‪Pinangangalagaan nakatataas‬
‪Sa mamamaya'y naghihigpit‬
‪Kung sinumang tumaliwas sa batas‬
‪Ay siyang siguradong ililigpit‬

‪Huwag kang kukurap‬
‪Sa pagkakamaling paulit-ulit‬
‪'Pag nagsimula ka nang mamulat‬
‪Totoong kasalanan na ang pumikit‬

‪Walang sinuman ang mas malakas‬
‪Upang labanan ang dahas‬
‪Pipiliin bang mangahas‬
‪O magdusa sa likod ng rehas?‬

‪Mga mata'y idilat‬
‪Para sa bayan magkapit-kapit‬
‪'Pag nagsimula ka nang mamulat‬
‪Siguradong kasalanan na ang pumikit‬

‪Puro na lamang pasakit‬
‪Bansang labis na pait ang sinapit‬
‪Kung hindi ka pa rin galit‬
‪Maaari ko bang itanong kung bakit?‬