Periodical Death Exam 2: HAUNTED

Chapter 30: Christmas Party, Part 2

Chapter 30: Christmas Party, Part 2

Myla Sta.Juana's Point of View

December 15, 2017

Christmas Party na. Nagsuot kami ni Chantellia ng dress. Dilaw sa kanya, sa akin ay pula. For the first time lang naman, eh. It's a party!

Medyo hindi maaga kami ngayon, pero okay lang.

Dumeretso kaming Canteen 2. Nandoon na kasi lagi yung tropa namin. Although paminsan sina Noel at 4A o 4A lang ay hiwalay dahil sa mga spy missions. Ang sub-group ng tropa, ang Harley Quinn and Jokers Squad ay kadalasan hiwalay, nasa Quadrangle 2 lang sila, pero paminsan naman, pumupunta sa amin.

Ang mga nandoon na ay sina: (by order in seating arrangement)

Table 5

Antonio Jonathan "AJ" Magnifico, nakasuot ng formal attire, red na long-sleeved polo at ribbon imbis na neck tie na nakakabit.

Yuri Arissa Sandoval, nakasuot ng orange na dress. Naka-make-up siya at nakaayos ang buhok. She stands out na! May heels pa ngang suot na nagpatangkad sa kanya! Kami nga ni Chantellia, hindi masyado ayos, eh.

Alexandra Cane Dela Fuente, nakasuot ng off-shoulder na purple at paldang itim. Naka-ayos naman ang buhok niya at may konting make-up. Naka-heels siya.

Charity Faith "Chachi" Montgomery, nakasuot lang ng light pink na sleeveless. Nakasuot naman siya ng paldang light pink din at may pagka-transparent at tila may glitters. Nakasuot din siya ng heels. Ayos na ayos ang buhok niya at may blush-on siya sa mukha niya.

Vacant seat for Noel Abear, with his backpack on the chair. He, along with his cousin 4A must be on a spy mission.

Vacant seat for Arnold Arvin Abear Ang "Agent 4A," with his backpack on the chair. He, along with his cousin Noel must be on a spy mission.

Axle Blaze Buenavista, nakasuot ng nakasuot ng blue checkered na pandoble at may emerald green na undershirt sa loob.

Diana Alice "Dana" Grey, nakasuot ng blue na dress, kaya naisip kong bagay pala sila ni Axle. Naka-heels din siya kaya ramdam ko, natangkaran na niya si Axle sa heels o napantayan lang.

Table 6 (extension)

Kane Jacob "KJ" Cabanilla, nakasuot lamang ng varsity jacket na dilaw. May panloob siya na orange na undershirt. Yung varsity jacket pala niya ay may "CABANILLA" sa likod at number na "10."

Vacant seat for Chantellia Yukiko.

Vacant seat for me, Myla Sta Juana.

Jerome Drake Pamular, nakasuot ng varsity jacket na pula. May panloob siya na sky blue na undershirt. May nakasulat na "PAMULAR" sa likod at ang number niya ay "01."

Vince Kim "V," nakasuot ng katulad kay AJ, isang long-sleeved na polo, except kulay orange ito at neck tie naman ang suot niya. Wow. Parehas sila ni Yuri.

Hindi pa dumadating si Anna. Sina Noel at 4A naman ay nasa spy missions siguro. Halata ko, eh.

"Chantellia, Myla! You look blooming today! Lumelevel-up na si cutie pie baby girl Chantellia! Cute at maganda na nga, nagdadalaga na talaga!" bati ni KJ sa amin na nakadirekta kay Chantellia.

"Oo nga, tama! Cute and pretty na si Chant! At ang ganda talaga ni Myliana! Lahat kayong babae ay may lipstick, pero sa iyo pinakabagay, lalo na dahil pula ang suot mo!" bati naman ni Jerome sa amin na mas nakadirekta naman sa akin ngayon.

"Ay, sus, Jerome. Bolero ka na ngayon. Hindi talaga bagay sa inyong mga isip-bata maging bolero sa mga babae. Tignan niyo, o. Varsity jacket lang nga ang mga suot niyo, puro mga laro lang kayo at hindi pumoporma. Kaya yung regalo ko sa iyo mamaya— oops, nadulas, I mean kung reregaluhan kita, well, ah, talagang pang-isip-bata pa rin." sabi ko kay Jerome na medyo nadulas. Jusko, mananatiling sikreto pala dapat.