قطة في عالم أُسود

Part2

عدى الزمن.. وكبرت بطلتنا.. و اتغيرت ظروف حياتها ''. باباها جالو عقد شغل فـ دولة الإمارات.. سافر وبعد ما اتأقلم هناك بعت لـ سارة ومامتها عشان يقعدو معاه.. كان سارة ساعتها عندها 7 سنين.. ومامتها حملت ف ولد
و ف يوم من الأيام.. صحيت سارة من النوم على صوت باباها..

محمود:يلا يا  حبيبتي قومي عشان نروح لماما ف المستشفى؟

سارة: هيا ماما ايه اللي وداها المستشفى ي بابا؟ هيا ماما تعبانة؟

محمود:لا يا حبيبتي ماما ف المستشفى عشان تجيب لك بيبي صغنن.. ☺

سارة: ي سلام وهتجيبو منين يعني هتشحتو؟
محمود :😂😂😂 طب قومي يا لمضة البسي الطقم دا ويلا بينا..

طلع من الدولاب فستان لونه بمبي ف لبني وعليه رسومات بسيطة كدا ومدياله شكل نهائي حلو.. و بوت طويل لونه لبني ماشي مع لون الفستان..

محمود:يلا يا شاطرة. هتعرفي تلبسي واللا البسك؟

سارة:تلبسني؟  لا عيب.. اطلع برا ي بابا لو سمحت
... وزقت باباها كدا بهزار و طلعتو من الأوضة وهوا لسا بيضحك من كلامها.. وبيقول ف تفكيره بكره تكبر وتعقل وفوجئ بأنها ردت عليه..

سارة :اعقل؟  هوا انا مش عاقلة يعني؟

محمود: نعم يا حبيبتي بتكلميني؟

سارة:اه مش انتا اللي قلت حالا بكره تكبر وتعقل؟

محمود :😲😲😲😲😲😲
طبعا فضل فاتح بقو خمس دقايق..

سارة:يلا خلصت لبس.. يلا بينا..

محمود: يلا..

ركبو السيارة وهما ف طريقهم للمستشفى طبعاً محمود مش بيبطل تفكير ف ازاي هيا سمعت أفكاره..

محمود:يكونش؟  لا لا لا مستحيل اللي انتا بتفكر فيه دا ي محمود

سارة :مشغول في ايه ي  بابا بس؟

محمود :مالك ي حبيبتي؟

سارة :بتكلم نفسك ليه بس.؟

محمود : 😲😲
بعد ما استوعب خلاص..

محمود:سارة حبيبتي هوا انتي بتسمعيني واللا بتخمني انا بقول ايه؟

سارة: 😂 بابا انا بقالي تلات سنين بشوفك بتتكلم ونتا قافل بقك مش عارفة بتعملها ازاي دي..

محمود: طب ثانية انا هقول حاجة دلوقت وقوليلي سمعتي ايه وكمان هديكي الموبايل تسجلي اللي انا بقولو ماشي؟

سارة : طب ليه؟  خلاص ماشي..

محمود بينو وبين نفسو: زمان مامتك أخبارها ايه يا بت ي سارة؟

سارة: انتا قلت زمان مامتك أخبارها ايه ي بت ي سارة صح؟

محمود : اه.. هاتي بقا كدا الموبايل نسمع التسجيل من أولو..

سمعو التسجيل والغريبة الجملة اللي سارة سمعتها مكانتش موجودة..

سارة : ايه دا؟

محمود خاف جدآ.. وبعد ما استرجع وعيه..
محمود:يلا ي سارة وصلنا ننزل ل مامتك وبعدين نشوف الموضوع دا..

سارة: حاضر..

نزلو وراحو ل هند على اوضة العمليات.. وكانت ولدت خلاص.. دخل محمود وبعدو سارة..
محمود: ابني حبيبي..حمدلله  ع السلامة ي بطلتنا
وباسها من دماغها..

هند : الله يسلمك ي بابا.. كان نفسك ف ولد ياخويا اهو جالك.. بكره تقول ياريتو ما جه..

سارة: مامااااااا.

هند:سارة حبيبتي هاتي بوسة ل ماما..

سارة راحت ل مامتها وباستها وباست البيبي..

محمود :ياترى هنسميه ايه؟

هند :مش عارفة.

وبعدين قالت في تفكيرها: اسم لؤي هيبقا حلو اوي..
سارة :يعني ايه لؤي ي ماما؟

هند: سمعتيها فين دي ي سارة؟

سارة : مانتي لسا  قايلة حالا اسم لؤي هيبقا حلو اوي..

هند بصت ل جوزها باستغراب.. 😲😲😲

محمود بصلها ودحك وقالها انا كمان خايف زيي زيك
..
ياترى هيعملو ايه ف المشكلة اللي ممكن يستغلوها دي؟!