قطة في عالم أُسود

Part18

فارس قعد جنب رامي و الكرسي اللي قدامهم سارة و اونكل تامر..العامل شغل القطر..

وفجأة الكل بدأ يصرخ../عارفين الصرخة دي اللي بتبقا لمجرد المتعة بس مش من خوف يعني\......... *شعب أهبل 😂😂😂*

فارس و رامي كانو زيهم زي اي حد بيصرخ وبعدين رامي بص لـ سارة لقاها قاعدة ساكتة وباين كانت مستمتعة اوي بالموضوع دا وشعرها الطويل كان بييجي على وش فارس و فارس مكانش متدايق أبداً وكان بيبص لـ سارة بنظرة إعجاب واهتمام..

بعد ما اللعبة وقفت ونزلو.. تامر مشي عشان كان عندو صفقة طارئة فـ الشغل..

فارس :حمدلله عالسلامة..هههههه

سارة :قول لنفسك شوف انتا كنت بتصرخ ازاي يا عم انتا..

فارس :ههههههه فشر.. دا رامي هههه..

رامي من غير تعابير على وشو خالص : يلا يا سارة عشان الوقت اتأخر..

سارة :رامي احنا لسا مركبناش غير لعبة واحدة..

رامي :طيب كفاية كدا انا تعبت..

سارة : حاضر.. باي فارس.

((سارة كانت هتمشي بس فارس شدها من ايدها ))

رامي استغرب وسارة مكنتش أقل من رامي من حيث الاستغراب..

فارس :سارة مش هتمشي الا لما تركب لعبة كمان عاوز تمشي انتا امشي.. انا مش جايبها تفسحها؟ يبقا تفسحها..

رامي((بعد ما فهم الموضوع)):انا ماشي.. هتيجي يا سارة واللا هتفضل مع حبيبك؟

سارة بانذهال :حبيبي دا ايه؟ إنتا بتهزر اكييد..

فارس :هاهاهاها.. هوا اللي انا سمعتو دا صح؟!

رامي :ايوه انا قلت انك حبيبها.. وسارة عندها كلام هتقولهولي عشان افهم الموضوع ايه بالظبط.. بس ف البيت'.. يلا يا سارة..

فارس :انتا مش هتتحرك من هنا الا لما تفهم..

رامي :اتفضل..

فارس: انا بحب سارة من 3 سنين.. بس صارحتها السنة دي.. 'هيا فـ الأول وافقت وكنا كويسين مع بعض و بالله ربنا شاهد على كلامي انا بحبها بجد و مسبتهاش الا عشان خايف عليها مني.. و لما عرفت انها هتتخطب فرحت انها اخيرا هتبقى مبسوطة.. بس يا سيدي..

رامي :الله الله يا عم روميو.. وكنت خايف عليها منك ليه بقا؟ كان ممكن تعمل ايه؟

فارس: كان ممكن اقول لها كلمة تزعلها مني وساعتها انا اللي هتعذب مش هيا.. بس صدقني انا ادمنتها زي ما المدمن بيدمن المخدرات.. وبقت ماشية ف عروقي زي الدم.. وعشان كدا انا عاوزك تحافظ عليها.. اوعا تزعلها منك.. انا فرحان انها فرحانة دلوقت..سايبهالك أمانة يا رامي..

رامي :ولا أمانة ولا حاجة.. احنا لسا متخطبناش '. لسا مجبناش دبل حتى.. ليه محاولتش تئذيني أو تبعدها عني؟