قطة في عالم أُسود

Part7

فـ أحد المدن في القاهرة..فـ بيت متواضع جميل.. حوالي الساعة 9 بالليل.. الجرس بيرن..

هند : يا ساتر يا رب ميييييين؟

سارة:أنا يا حجة..

هند:ايووون.. ادخلي كدا يا حبيبتي..

سارة دخلت البيت وعلى وشها علامات الإرهاق و التعب..

سارة: ايوه يـ ماما؟.. انا داخلة أنام تصبحي على خير..

هند : استني.. كنت فين دا كلو؟

سارة: كنت ف الدرس وبعد الدرس رحت البارتي بتاعت نهلة..

هند:نهلة؟ ونهلة عاملة بارتي ليه؟

سارة :عشان عيد ميلادها انا قلتلك الصبح..

هند: امتا؟

سارة: لما كنتي بتشربي الكوفي ميكس..

هند: مش فاكرة.. ماشي المهم..

سارة: امممم؟

هند: اتعشيتي؟

سارة: اه اتعشيت مع العيال..

هند: اكل من برا؟  يابنتي حرام عليكي مش كفاية الزايدة شلناها؟  هشيلك ايه المرة الجاية؟ القولون؟

سارة : متقلقيش ي ستي معادش فيا حاجة تتشال اصلا..

هند وسارة ضحكو ف نفس الصوت.. فجأة سمعو صوت دب عالأرض..

هند: دا اكيد المقروض مانا ناقصاه روخر..

سارة: ههههههه دا وحشني خالص..

لؤي: سااااارة.. جبتيلي حاجة حلوة واللا لا؟

سارة:اه طبعا جبتلك الشكلاتة اللي انتا بتحبها.. Kitkat

لؤي:هييييييييييييييي..

سارة: ههههه انا مش مصدقة أن دا لؤي اللي كان لسا مولود اول امبارح.. كبرت ي واد وبقيت مز..

لؤي: اه ونتي كنتي لسا بتعملي ظفاير اول امبارح كبرتي و بقيتي بتسيبي شعرك.. ههههه

سارة :هههههه ي واد.. طب قول مثلا انك بقيتي ف تالتة ثانوي وعلى وشك انك تتخطبي مثلا..

هند بتدخل: تتخطبي؟  يا حلوة.. وتتخطبي من مين بقا أن شاء الله؟،

سارة: اهو اي حد بقا يسد...

هند: انتي لسا صغيرة عالكلام دا وقتها يبقا ربنا يسهل..

سارة : ليه طب مانتي وخالتي بتتفقو انك هتخطبيني لـ مروان ابنها.. مش كدا؟

هند: قصدك الباش مهندس مروان..

سارة : ههههههه لا هوا لسا مروان لحد السنة الجاية يبقا بااش مهندزززز..

هند: ماشي ياختي مش عاجبك واللا ايه؟  هاتي مجموع طب بس انتي وابقى اتكلمي..

سارة: احنا فيها اهو والايام بينا.. بكره ابقا الدكتورة سارة وهفكرك.'

هند سرحت شويا فـ عيون سارة الخضر و قعدت تقول فـ تفكيرها : يارب يا سارة.. باباكي لو كان عايش كان زمانو هيبقا فخور بيكي.. ربنا يحميكي يابنتي من كل شر حواليكي..

سارة لاحظت أن الدموع نزلت من عيون مامتها ف طلعت منديل ومسحتها وقالتلها بصوت حنين :

الله يرحمو.. وانا اوعدك اني هخليه فخور بيا و هرجع راسك يا أمي..

هند مسحت دموعها بسرعة وقالت: طب انتي مش كنتي هتنامي؟  دلوقت النوم راح؟

سارة : أمال فين لؤي؟

بصو لقوه نام عالكنبة.. الاتنين ضحكة ف نفس النفس..

سارة : ماما سيبيه انا هاخدو انيمو ف اوضته..

هند: ماشي انا داخلة انام بقا..

سارة:تصبحي ع خير ياست الحبايب..

هند: ونتي من اهلو يا دكتورة..

سارة  دخلت لؤي اوضته و نيمتو ع سريره وغطته و دخلت اوضتها فتحت موبايلها لقت فيه رسالة من رقم غريب بتقول :

أهلا ممكن بس تفتحي وتس عشان نعرف نتكلم كويس؟..

لسا مكملتش قراية الرسالة لقت الرقم دا بيرن عليها ف ردت..

المتكلم:ألو..

سارة: الو مين 'معايا؟

المتكلم:لو قلتلك مين ممكن متعرفينيش..

سارة : ربنا يسهل بس قول مين..

المتكلم: انا واحد بحبك بقالي سنتين بس جبان ورقمك معايا من سنة تقريباً ومجتليش الجرأة اني اكلمك غير النهاردة لما شفتك ف عيد الميلاد حسيت اني لازم اكلمك..

سارة : ايوه حصلنا الشرف.. بس معرفتش مين برضو
المتكلم :أنا فارس..

سارة : فارس مين؟

المتكلم : فارس اللي معاكي ف الفصل..

سارة: اه اه عايز ايه بقا؟

المتكلم : قلتلك اني بحبك من سنتين..

سارة : فارس انا عارفة شغل المقالب اللي انتو شغالين فيه دا انا فاقساكو.. عاوز ايه بقا؟

فارس:والله العظيم يا ستي بحبك.. عايزاني اعمل ايه عشان تصدقيني..

سارة: ههههههههه ايه دا؟ 

فارس : حرام عليكي..

سارة : طب بص مش في مدرسة بكره ولينا فصل يلمنا؟

فارس: آه..

سارة: نبقا نتفاهم بكره ي شبح عشان عايزة انام.

فارس :نتفاهم دا ايه؟ مينفعش نتكلم قدام اي حد من الفصل ي سارة ابوس ايدك.. صحابي لو عرفو ممكن يئذوكي..

سارة : طيب بكره ف الفسحة أن شاء الله  قابلني ف الحوش اللي ورا محدش بيروح هناك..

فارس : طيب ي سارة اللي تحبيه..

ياترى فارس عايز ايه من سارة؟... و سارة هتعمل ايه معاه؟  البارت الجااااااااااي..