قطة في عالم أُسود

Part13

فجأة رن موبايل سارة.. المتصل كان مامتها..

سارة : ألو.. ايوه يا ماما..

هند: الو.. سارة انتي فين؟؟

سارة : انا عند فارس يا ماما انتي نسيتي واللا ايه؟

هند :خلصتو الشغل واللا لسا؟

سارة: لسا بس ليه؟  في حاجة واللا ايه؟

هند: خالكـ عمل حادثة وهوا فـ المستشفى دلوقت..

سارة أول ما سمعت الخبر قلبها اتقبض وحست بالخوف..وبصت لفارس بنظرات خوف وحزن..

فارس: ايه اللي حصل؟

سارة ردت على مامتها ف الفون: طب هوا فـ مستشفى ايه؟

هند: ف مستشفى النسر..الدور التالت اوضة رقم 53 ..

سارة: انتي ف المستشفى؟ 

هند: لا انا بلبس ونازلة اهو..

سارة: طيب ينفع اجيب فارس معايا؟

هند : لا يا حبيبتي عدد الزيارات المسموحة محددة..

سارة:طيب روحي ونا هاجي وراكي..

هند: ماشي..

سارة قفلت الفون.. واتدورت بصت لفارس..

فارس: في ايه يابنتي؟

سارة: خالي الوحيد.. قصدي بابايا التاني..

فارس: خير اللهم اجعلو خير؟؟

سارة: عمل حادثة وهوا دلوقت فـ المستشفى..

فارس : هتروحيلو؟

سارة: اكيد طبعا..

فارس : طب هاجي معاكي بس ناكل الأول..

سارة: مش هيجيلي نفس آكل يا فارس..

فارس من غير اي مقدمات حط حتة بيتزا فـ بوق سارة وهيا بتتكلم.. و قرب على ودنها وهمسلها :

كلي و هوا ان شاء الله هيكون كويس..

سارة من غير ما تنطق بكلمة ابتسمت ابتسامة ترضي بيها فارس بس فـ نفس الوقت كانت خايفة تخسر خالها زي ما خسرت باباها..

فارس و سارة كلو لقمة عالماشي ونزلو راحو المستشفى..

فـ- الريسبشن بتاع المستشفى-..

فارس: السلام عليكم.

موظف الإستقبال : وعليكم السلام.. اي خدمة يا فندم؟

فارس : ياريت يعني ..  الأوضة رقم 52..

موظف الاستقبال: حضرتك تقرب للمدام اللي فيها؟

فارس وسارة بصو للموظف باستغراب..وفـ صوت واحد : مدام؟

موظف الاستقبال: اه هيا فيها مدام نادية زوجة المستشار... ولسا هيكمل..