..
سارة صحيت لقت نفسها قاعدة على كرسي الطيارة جنب خالها و خالها غرقان ف النوم.. فـ لحظة افتكرت اللي حصل و علطول هزت خالها جامد علشان تصحيه تسألو عن اللي حصل..
سارة : خالو خالو..
محمد :ايه ي حبيبة خالو؟
سارة : هوا ايه اللي حصل انا جيت هنا ازاي؟
محمد بابتسامة : متقلقيش أحمدي ربنا إنها عدت على خير..
سارة: بس انا عاوزة اعرف ايه اللي حصل..
محمد :امممم حاضر هقلك.. الحكاية انو رجل العصابة دا راجل مشهور اوي واسمو ف القايمة السودة بتاعت البوليس.. الشرطة كانت متأكدة انو هيبقا موجود النهاردة ف المطار.. وكانت سايبالو المجال عشان يمسكوه متلبس.. و لما شفتيه وهوا معاه مسدس كان ممكن توديه ف داهية علشان كدا كان لازم يخطفك.. وخدك وراح دخل من بوابة الشنط و استخبى هناك بس البوليس لقاه والحمدلله مسكوه قبل ما يعمل فيكي حاجة و أول ما لقوكي لقو الورقة اللي عليها رقمي اتصلو عليا ونا ساعتها كنت ف بوابة الانتظار لما رحت أسأل عليكي.. و جابوكي والعصابة اتمسكت الحمدلله.. شفت بقا يا بطل؟!
سارة: الحمدلله ربنا انقذني عشان كنت بقرأ القرآن
محمد في نفسه: ربنا يحميكي يابنتي ❤
سارة: ويحميك يا خالو..
محمد باندهااش : ايه اللي يحميني ي بابا؟
سارة: مش انتا قلت ربنا يحميكي يا بنتي؟
محمد : لا مقلتش كدا..
سارة: ممكن حد من اللي ورا خلاص مش مشكلة..
محمد فضل باصصلها شويا و ف عنيه نظرة انذهال متناهي..بعد شويا غرق ف النوم تاني..
....
فـ مطار القاهرة..
سارة : خالو خالو احنا هنشوف ماما اول ما نطلع من هنا؟
محمد :ان شاء الله هتلاقي ماما واقفة مستنيانا برا..
وشاورلها على بوابة الخروج 🚧
سارة : خالو خالو طب وبابا؟ هييجي امتا؟
محمد سكت و الابتسامة اللي على وشو اختفت..
سارة افتكرت أن باباها مات..
وبدأت في العياط الهادي اللي محدش حس بـ وجعه غيرها..
محمد و سارة عدوا بوابة التفتيش وممر الجوازات و بوابة الشنط.. شالو الشنط وخرجو من بوابة الانتظار و هند كانت مستنياهم هناكـ..
سارة اول ما شافت مامتها جريت على حضنها..
سارة: وحشتيني يا ماما معتيش تسيبيني تاني وانا هسمع الكلام..
هند ضحكت بقهقهة وقالت بهزار: إذا كان كدا مااااشي يا سوسو..
هند وسارة ومحمد ركبو العربية و روحو أول ما وصلوا البيت سارة دخلت أوضتها وغرقت فـ النوم..
اليوم اللي بعدو...
هند: يلا يا سوسو يا حبيبتي عشان تفطري انتي مكلتيش حاجة من امبارح...
سارة: كمان شويا طيب.. سيبني نايمة شويا يا بابا..
هند ابتسامتها اختفت وبدأت دموعها تنزل بس مسحتها بسرعة عشان البنت متشوفهاش..
هند: قوليلي يا حبيبتي انتي لسا بتقري الأفكار؟
سارة: اه..طبعآ..
هند: طب انتي فرحانة بكده يا حبيبتي؟
سارة: لا خالص والله يا ماما خاصة في الأماكن اللي بيبقا فيها ناس كتير أفكارهم كلها بتتحول لكلام ف راسي وممكن أصدع.. ياريتني ما كنت بعرف أقرأ الأفكار..
هند ردت عليها بإبتسامة غامضة: معلش يا حبيبتي ونا فـ أقرب وقت هشوفلك دكتور مختص يقدر يعالجك..
....
مرت الايام والسنين و سارة عرفت توظف قدرتها دي فـ حاجة مفيدة وقدرت تتحكم فـ القدرة المميزة اللي عندها دي.. ازااااااااي؟! دي قصة طوييييلة.. هنشوف البارت الجاي.. ❤🚬
