قطة في عالم أُسود

Part5

في المطار..
محمد :يلا سوسو عشان طيارتنا جاية كمان خمس دقايق..

سارة :ماشي يا خالو..

محمد:امسكي ف ايدي واوعي تسيبيها.. وخدي رقمي اهو لو تهتي ادي الرقم دا لحد بس وقوليلو دا رقم خالي..

سارة:حاضر.. وبعدين هوا انا يعني صغيرة؟

محمد بابتسام: لا يا لمضة مش صغيرة..

وادالها ورقة مكتوب عليها رقموو..

محمد :يلا الطيارة جت اهي.. هنعدي بس من البوابة دي يفتشونا ونخرج نركب ماشي..؟

سارة :وهما هيفتشونا ليه يا خالو؟ هوا احنا معانا مسدس واللا ايه؟

محمد بضحك:لا يا حبيبتي بس في ناس بيبقا معاها وممكن تعورنا ف لازم يفتشو كل اللي هيسافرو عشان يعرفو الطيبين اللي زينا و يعرفو كمان المجرمين اللي عاوزين يقتلو الناس.. فهمتي؟

سارة:اهاااا.. فهمت.. 😄.. هوا انا طيبة يا خالو؟

محمد :انتي أطيب واحدة انا شفتها في العالم..
وهوا بيقول ف نفسه:ربنا العالم انتي هتتعذبي قد ايه ف حياتك بسبب الطيبة دي..

سارة:وهتعذب ليه يا خالو؟ مش انتا قلت ان الشريرين هما اللي بيتسجنو وبيتعذبو..

محمد باستغراب :آه يا حبيبتي انا قلت هتتعذبي؟

سارة:اممممممم أو ممكن تكون فكرت فيها بس صح؟

محمد بذهول أكتر: ونتي عرفتي منين اني كنت بفكر فيها؟

سارة: مانا بسمع الناس بيفكرو ف ايه 😃

محمد ضحك ضحكة فيها شبه خوف من أن كلام سارة يكون صح.. وقال بسرعة:

طب يلا عشان الطيارة هتمشي..

وهما ف بوابة التفتيش الأخيرة اللي متصلة بـ باب الطيارة.. وصالة الانتظار كانت زحمة مفيش مكان لنملة تمشي فيه..سارة بتبص حواليها وهما على بداية البوابة لقت في اتنين قاعدين بعيد فـ ركن لوحدهم و واحد كان ماسك مسدس وبيخبيه فـ الهاندباج بتاعته..والتاني كان معاه جهاز بيمنع بوابة التفتيش انها تكشف عن اللي ف الهاندباج دي.. وطبعا سارة مكانتش تعرف الجهاز دا ايه.. واحد خد باله انها بتبصله ف ودت وشها الناحية التانية عشان تقول لـ خالها عاللي شافته.. بتبص ملقتش خالها.. فـ سألت الراجل اللي قدامها إذا كان شاف خالها رد وقالها:

اممممممم معرفش والله مشفتوش..

بعد شويه جه واحد من الاتنين اللي سارة شافتهم بيخبو المسدس.. وقال للراجل اللي سارة سألته عن خالها :

شكراً إنك اخدت بالك من بنت أخويا.. 😊

سارة بصتله بخوف..

رجل العصابة1:يلا يا حبيبتي عشان نركب الطيارة..

المسافر:بس هيا قالت إنها بتدور على خالها مش عمها..

رجل العصابة طبعآ سكت شويا وهوا متوتر وقال له بسرعة: ما هو انا اخو مامتها وابن عم باباها ف هيا براحتها تقول خالو عمو اي حاجة..

المسافر ابتسم :أها تمام ''

سارة قالت بصوت عالي': لا ي عموو دا مش خالي دا راجل وحش عاوز يقتل الناس.. مش خالي والله..

المسافر :ازاي بقا يا حبيبتي؟

رجل العصابة 1:معقولة هتسمع كلام بنت صغيرة؟ هيا عندها عقدة بس عشان باباها اتوفى  ..

سارة أول ما سمعت الجملة دي افتكرت باباها فـ عيطت..

المسافر جت ف دماغو فكرة كدا.. وقال لسارة بسرعة:معلش يا حبيبتي انا آسف..

وبص لرجل العصابة بـ مكر وقال له :
هيا اسمها ايه الأمورة؟

رجل العصابة مفكرش وطلع المسدس و'وجهه ناحية رأس المسافر..

طبعآ السيكيوريتي أول ما شافو المسدس جريو عشان يمسكوه بس على ما وصلو كان الراجل خلاص قضى نحبه..

رجل العصابة شال سارة على كتفو وجري كسر إزاز الشباك بتاع الصالة و نط على جناح الطيارة ومنه مشي لحد بوابة الشنط اللي ف الطيارة و استخبى فيها.. وسارة قاعدة في قمة الرعب.. افتكرت أن مامتها علمتها سورة الإخلاص و المعوذتين وقالتلها لو ف يوم كان عندك مشكلة قوليهم وربنا هيحفظك.. قعدت تقرأهم تاني وتالت لحد ما غرقت في النوم..

آخرة المشكلة دي؟  سارة هتعمل ايه؟  ومعقولة خالها محسش كدا لحد دلوقت.. هنشوف البارت الجاي..